Вести

ХРИСТОС ВОСКРЕСНА! CHRIST IS RISEN! 

Воскресението е светлина. Кога ќе речеме воскресение, нас едноставно не асоцира на светлина. Велигденскиот поздрав, Христос воскресе - навистина воскресна е пренесување на светлината Христова. Изрекувајки го овој поздрав ние ја сведочиме светлината. 

На 29.04.2016 година, Вечерта на Велики Петок, Неговото високопреосвештенство, Митрополитот Tетовско-гостиварски г. Јосиф, богослужеше Утрена и беа отпеани Статиите  на ОПЛАКУВАЊЕТО ХРИСТОВО, во Соборниот храм „Св. Кирил и Методиј“ во Тетово. Во милозвучното пеењето на статиите учествуваше и градскиот хор „Менада“ од Тетово под раководство на маестро Ивица Зориќ.

На 28.04.2016 година, во светиот и Велик Четврток, поради реновирањето на храмот, во помошните манастирки простории на црква на св.вмч. Герогиј, презвитер Горан Тасески отслужи Божествена Василиева Литургија. По причестувањето на многубројниот верен народ, на поклонение беа изнесени светите мошти и се изврши  светата Тајна Елеосвештение, во која, на овој ден, може да се помазаат сите верни.

На 28.04.2016 година, во светиот и Велики Четврток (12 Страдални Евангелија), Неговото високопреосвештенство, Митрополитот тетовско-гостиварски г. Јосиф, заедно со свештеници од Гостиварско архиерејско намесништво се читаа 12 -те Страдални Евангелија, во Соборниот храм „Пресвета Богородица“ во Гостивар.

На 28.04.2016 година, во светиот и Велики Четврток (12 Страдални Евангелија), Неговото високопреосвештенство, Митрополитот тетовско-гостиварски г. Јосиф, заедно со свештеници од Гостиварско архиерејско намесништво се читаа 12 -те Страдални Евангелија, во Соборниот храм „Пресвета Богородица“ во Гостивар.

На 28.04.2016 година, на Велики Четврток, Неговото високопреосвештенство, Митрополитот тетовско-гостиварски г. Јосиф, богослужеше вечерна со Василиева литургија, во Соборниот храм „Пресвета Богородица“ во Гостивар во сослужение на свештеници од Гостиварското архиерејско намесништво...

На Велики Четврток, Архиепископот охридски и македонски г. г. Стефан чиноначалствуваше на Вечерната Василиевата Литургија во црквата Св. вмч. Димитриј Солунски во Скопје. По отслужената Литургија се изврши Светата тајна Елеосвештение (Маслосвет).

Во светата и Велика Среда божествените отци ни заповедаа да го славиме споменот на жената блудница, која Го помаза Господа со миро, затоа што овој настан се случил пред страдањата на Спасителот. Откако Исус влегол во Ерусалим и бил во домот на Симон Прокажаниот, една жена пристапила до Него и излеала на Неговата глава скапоцено миро.

Во светиот и Велики вторник правиме спомен на параболата за десетте девојки. Зошто Господ, искачувајќи се во Ерусалим за да пострада во него, им кажува на своите ученици вакви параболи? Затоа што овие параболи, вели Он, се однесуваат и на Евреите. Всушнос, Он ја раскажува параболата за десетте девојки за да обрне внимание на милосрдието,...

Во овој свет и Велик понеделник правиме спомен на блажениот и прекрасен Јосиф, и на исушената смоква. Бидејќи одовде добиваат почеток светите страдања на нашиот Господ Исус Христос, за прв негов образ (слика) се зема Јосиф. Тој беше последниот син на патријархот Јаков, роден од Рахила, кому браќата му позавидеа поради некое негово видение на сон.

Во пресрет на торжеството над сите торжества, настанот кој носи радост во секоја човечка душа, настанот кој во себе ја содржи суштината на нашата вера, суштината и основата на христијанството и на нашето спасение, Воскресението на нашиот Господ и Спасител Исус Христос, излезе од печат Велигденското издание на списанието „Православна Светлина“.

Воскресението е Чудо над сите чуда, Дар над сите дарови и Благослов над сите благослови, кои ни се дадени од небесата.1 Тоа е Тајна над тајните, која била чуена, видена и со раце допрена.2 Тоа е Торжество над торжествата, објаснува свети Григориј Богослов.3 Затоа, да се верува во Христа, значи да се верува во воскресението и во единственото име кое спасува.4

На 27.04.2016 година,  на Велика Среда , Неговото високопреосвештенство, Митрополитот Тетовско-гостиварски г. Јосиф, отслужи Литургија на Претходноосветени Дарови, во Соборниот храм  „Св. Кирил и Методиј“ во Тетово, во сослужение на свештеници од Тетовско архиерејско намесништво ереј Александар Стојаноски и ереј Марјанчо Мадевски.

А ако некој од вас страда, нека Му се моли на Бога; весел ли е, нека го фали Господа! Болен ли е некој меѓу вас, нека ги повика свештениците црковни, та да се помолат над него, и нека го помажат со елеј во името Господово. И молитвата со вера ќе го исцели болниот, и Господ ќе го крене; и гревови, ако направил, ќе му се простат.

09:00 часот – Литургија на свети Василиј Велики со Вечерна. Неговото Блаженство ќе богослужи во храмот „Св. вмч. Димитриј.“ По светата Литургија ќе се изврши Света тајна Елеосвештение во сите храмови.18:00 часот – читање на 12 евангелија за Христовите страданија. Неговото Блаженство ќе богослужи во Архиепископскиот соборен храм „Св. Климент Охридски“ – Скопје.

Слова пак на светите отци и други [творби] има мноштво! И затоа, изучувајќи го Божествените Писма, ги предаваме на оние кои доаѓаат при нас и имаат потреба од нив (поточно, не ние, зашто сме недостојни, но [самите] блажени свети отци [зборуваат] од Божествените Писма), и оние кои живеат кај нас, треба да се стремат грижливо да ги чуваат – тоа е нашата желба и љубов.

Поучени од Евангелското слово во оваа Петта, претпоследна недела од Чесниот Пост, да созерцаваме за неискажливото и несфатливо смирение на благиот и смирен Господ, Кој е единствен таков. Деновиве некои луѓе ме запрашаа: „Има многу религии, отче, и многу учители, и многу проповедници, и многу различни перцепции за Бога.

На 17.04.2016 г., во Петтата недела од Великиот пост, посветена на споменот на света Марија Египетска, Митрпополитот Преспанско-пелагониски г. Петар отслужи Божествена Литургија во манастирот Вознесение Господово (Св. Спас) во Крушево. Пред Литургијата, Владиката изврши хиротесија во чтец, на богословот Благоја Атанасоски.

Во петтата надела од Великиот пост, посветена на Света Марија Египетска, во манастирот „Св. Ѓорѓи“ во Неготино се отслужи Света Божествена Василиева Литургија со која чиноначалствуваше Митрополитот Повардарски г. Агатангел во сослужение на повеќе свештенослужители.