Вести

во соборната црква „Св. Климент Охридски“ во Скопје, секој вторник по Вечерната богослужба, која започнува во 17:00 ч., ќе се чита Акатистот кон преподобниот Јоаникиј Ракотински. Притоа, како и секоја недела и на секој празник, кивотот со моштите на светиот Јоаникиј ќе биде отворен за поклонување од страна на верните.

Говореше авва Јаков: „Кога некого го фалат треба да си спомне за своите гревови и да има на ум дека не е достоен за кажаното.“ Уште говореше: „Како што светилката ја осветлува мрачната одаја така и стравот Божји, кога ќе се всели во срцето на човекот, го осветлува и го поучува на сите добродетели и на заповедите Божји.

Радувај се, охридски славен род,* обновителу на храмот на преславниот Илија,* радувај се, посреднику за тие што со љубов* ги целиваат твоите мошти Јоаникие. Со чесниот Пророк и Крстител,* Бигорската обител, што те чествува побожно,* благослови ја и покриј, молејќи се на Бога,* преподобен, богоносен, свет Јоаникие.

САС на МПЦ во пресрет на централната прослава „50 години од возобновувањето на автокефалноста на МПЦ – ОА“ која ќе се одржи на денот на Соборот на сите македонски свети, на 30 септември и 01 октомври 2017 година, во Охрид, упатува торжествен проглас до својот благочестив верен народ, чесното свештенство и преподобното монаштво, да земе учество за заедничко славје и споделена радост за овој голем црковен Јубилеј – 50

На 21.09.2017 година, на денот кога го празнуваме „Рождество на Пресвета Богородица – Мала Богородица“, со благослов на Неговото високопреосвештенство, Митрополитот Струмички г. Наум, Митрополитот Европски г. Пимен во сослужение на Митрополитот Тетовско-гостиварски г. Јосиф, извршија чин на осветување на црквата „Св. пророк Илија и пророк Елисеј“ во с. Митрашинци-Беровско. Истиот ден Митрополитите г. Пимен и г. Јосиф, со свештениците 

Нека е благословен Господ Бог Кој и годинава благоволи по завршувањето на безгрижните летни одмори да отпочне уште една година на освојување на нови и проширување на веќе стекнатите знаења. И додека за некои од вас овој септември означува почеток на долгиот период на учење и образување, за други ова е почеток на последната година од истиот тој процес.

Растејќи со растот Христов „во човек совршен“, слабикавиот човек зајакнува, созрева со душата, созрева со умот, созрева со срцето. Живеејќи со Христос, тој сиот расте во Христос, во Вистината Христова, се сродува со неа и таа станува вечна Вистина и во умот негов, и во срцето негово, и во душата негова.

За таквиот човек со сигурност може да се каже: тој ја знае Вистината, зашто има вистина.

Во навечерието на прославувањето на раѓањето на Мајката Божја - заштитничката на градот Скопје, Архиепископот охридски и македонски г.г. Стефан во сослужение на свештенослужители од Скопската епархија чиноначалствуваше на Празничната вечерна богослужба во храмот на Рождество на Пресвета Богородица во Скопје. По молитвеното заедничарење верниот народ и свештенослужителите направија Литија низ центарот на градот.

Скопската православна епархија ги поканува сите чеда на Македонската православна црква – Охридска архиепископија, овој викенд (сабота 23. септември и недела 24. септември) да учествуваат во торжествениот чин на впишување на архимандритот Јоаникиј Ракотински во списокот на светиите. Прославата ќе започне во сабота во 17:30 ч, во соборната црква „Свети Климент Охридски“, во Скопје, со Воскресна вечерна богослужба на која ќе...

На 18.09.2017 година, Архиепископот охридски и македонски г.г. Стефан во црквата посветена на светиот Јован Крстител отслужи молебен за почеток на новата академска година.На молитвениот собор присуствуваа Митрополитот дебарско-кичевски г. Тимотеј, ректорот на Универзитетот „Светите Кирил и Методиј“, проф. д-р Никола Јанкуловски, поранешниот ректор на истиот Универзитет, проф. д-р Велимир Стојковски, деканот на богословскиот факултет „Свети Климент Охридски“,

 За нашето денешно собрание во манастирот „Св. вмч. Ѓорѓи“ во с. Кнежино, повод беше и големиот 50 годишен Јубилеј од прогласувањето на автокефалноста на Македонската православна црква - Охридска архиепископија, како и 50 години од формирањето на Дебарско-кичевската епархија. Прославата на овие три големи настани, започна на 16.09.2017 година, со свечена воскресна Вечерна богослужба,..

Литургиската посета на Марков манастир секогаш исполнува и влева необичен спокој,но особено плени и средбата со секогаш гостољубивото сестринството. Денешната посета е со посебен повод, почетокот на одржувањето на Интернационална фрескописна, иконографска и иконорезбарска колонија, во период од 15 до 21 септември 2017 година.

На 15.09.2017 година, ученици од училишта во тетовско заедно со вероучителот ѓаконот Илија Деспотовски го посетија Митрополитот Тетовско-гостиварски г. Јосиф, во седиштето на Тетовско-гостиварската епархија. Во оваа пригода им беа донирани ранци и училишен прибор. Митрополитот г. Јосиф им посака успешна и благословена учебна година.

Во периодот од 12 до 14 септември 2017 година во Костанца, Романија беше одржан меѓународен симпозиум на тема: „Црквите во Романија, Грузија, Македонија и Полска. Форми на организација и лидерство низ вековите“, на кој учествуваа теолози, академици, универзитетски професори и научни истражувачи од повеќе земји, како и Неговото Блаженство, Архиепископот Охридски и Македонски г.г. Стефан, придружуван од Неговото Преосвештенство, Епископот Хераклејски г. Климент.

Св. Јован Крстител и Претеча Господов проповедал покајание. На луѓето им велел дека по него доаѓа Христос и Нему треба да Му се покоруваат. Мисијата на светиот пророк и Претеча била поврзана со проповедта за покајание. Без сознанието за покајание, човекот е неспособен да ги осознае и сопствените гревови. Таквиот човек е неспособен да го открие своето срце пред Севишниот Бог.

На 10 септември 2017 година,  Архиепископот Охридски и Македонски г.г. Стефан во сослужение со надлежниот Митрополит Повардарски г. Агатангел, Митрополитот Дебарско-кичевски г. Тимотеј, Митрополитот Брегалнички г. Иларион, Митрополитот Европски г. Пимен, Митрополитот Тетовско-гостиварски г. Јосиф, Митрополитот Кумановско-осоговски г. Јосиф и епископот Хераклејски г. Климент, изврши осветување на новоизградената црква „Светите Кирил и Методиј“ во Велес.

 На 11.09.2017 година, кога Црквата си спомнува за отсекувањето на чесната главата на светиот Јован Крстител, Неговото Високопреосвештенство митрополитот Тетовско-гостиварски г. Јосиф во сослужение со митрополитот Кумановско-осоговски г. д-р Јосиф го преосвети храмот на свети Јован Крстител во Кратово и служеше Света Златоустова Литургија. На Светата Литургија, верниот народ се причести со Светите Христови Тајни.

Со благослов на Неговото Високопреосвештенство, Митрополитот Дебарско – кичевски и Администратор Австралиско – сиднејски г. Тимотеј, во издание на Австралиско – сиднејската епархија – излезе од печат Православниот календар за 2018 година на македонски и англиски јазик.Новиот православен календар, за православните верници е достапен во сите цркви на Австралиско – сиднејската епархија.

 Помеѓу присутните ќе бидат фрескописците Кирил Томанов (член на Кралското здружение на минијатурсти), Јордан Иванов, кој изработувал фрескопис на Света Гора, Галин Ганчев и проф. Венко Цветков, резбарите Васил Иванов и Тихомир Георгиев, иконописците Димчо Димчовски, Тереза Илкова, Гергана Симеонова, Димитринка Стојанова, и Надја и Румен Петкови.