Македонската Православна црковна заедница "Св.Димитрија Солунски" од Вест Палм Бич јужна Флорида го одбележа патронот-денот на својот заститник и молитвеник пред Бога св.вм. Димитрија. Радоста на сите верни чеда на нашата црква бесе голема и неизмерна бидејќи за прв пат во историјата на оваа црковна заедница се одслужи света Литургија во своја црква и попратните свеченостите се одржаа за прв пат во своја сала.
Во својата беседа отец Ристо се обрати до верниците со зборовите:
"Браќа и сестри нека е честит и благословен овој ден кој значи и почеток на една нова ера на животот во дружба на сите нас помеѓу себе и дружење со Бога. Гледам голема радост на вашите лица, а и јас не можам да го скријам она внатрешно чувство на радост што еве после цели дваесет години иако со голем труд, напор и многу одрекувања се создадоа услови да се изгради Божји дом и еве денес се одслужи и првата света Литургија во него. За сето ова имате успеси сите вие, но не заборавете дека најголемата поткрепа и во најтеските моменти ја имавте од Бога и вашиот заститник и молитвеник пред Него св.Димитрија“.
Во продолжение на својата беседа отец Ристо се обрати до верните со поучно слово за улогата и значењето на светата Литургија а и тоа како преку нејзе се постигнува единство со Бога, за патиштата на духовното издигнување на верникот за кое нешто требе да ги следиме примерите на светителите-мачениците, преподобните и богоугодни луѓе кои преку својот пример сведочат за тоа. Еден од тие е и св.Димитрија кој сакајќи го Бога, го раздаде својот имот, се одкажа од земните почести и го даде својот живот.
На крајот се прекрши празничниот леб се раздели на верните и се избра кум за наредната година. На истиот ден во салата се направи и лецитација на икони од иконостасот на основа на проектот изработен од иконографското студио АРТСОМЕ од Виндсор, Канада.Ова е реален почеток на животот на верните македонски верни свети климентови чеда на просторот во Флорида. Дај Боже еден ден овој храм да постане црковен, културен и просветен македонски центар.
