Казна затвор од шест месеци му е изречена на архимандритот Никодим Царкњас од страна на грчкиот суд поради инцидентот предизвикан од група млади во Воден. Во судскиот спор тој беше обвинет дека претепал и му нанел телесни повреди на едно 12-годишно момче што учествувало во инцидентот кај домот на Царкњас.

Во нападот на група млади хулигани беше сериозно оштетен домот на архимандритот, кој се залага за почитување на верските и на националните права на Македонците во Грција. Хулиганите, кои пееле грчки националистички песни, со камења ги искршиле прозорците на куќата. Ова е само обид да ме заплашат, но нема да им успее - изјави вчера Никодим Царкњас.

1. Пратено од z, на 18-03-2009 21:32
poradi vakvi luge ostanuvaat da postojat narodi.Vo likot od arhimandritot Carknas gledam hrabrost,dostoinstvo,razumno sebepoznavane.Ve pozdravuvam so pozdravot:Del ste od istorijata, dodeka Grcija go povtoruva ispitot za postoene na makedonsko malcinstvo! Evropo zasrami se!

2. Пратено од ....., на 18-03-2009 23:30
Gospod so vas, Arhimandrite Carknjas!!!

3. Пратено од hristijanahristijana
sekogas vo nasite molitvi Arhimandrite Nikodim Carknjas.

 19. 03. 2009 г.

Царкњас: Грчкиот суд не ми дозволи да се бранам

Главната судијка не дозволи да докажеме дека не сум го удрил детето, бидејќи и' беше поважно што побрзо да ме осуди

Никодим Царкњас тврди дека судењето против него е класичен пример за монтиран процес

Нејќеа ни да ме сослушаат. Главната судијка не им дозволуваше на моите сведоци да раскажат што навистина се случило. Пресудата да ме пратат во затвор веќе беше донесена.Не можат на друг начин да ја запрат мојата борба за правата на Македонците, па посегнаа и по ова, вели архимандритот Никодим Царкњас кому второстепениот грчки суд му изрече шестмесечната затворска казна за наводниот физички напад врз дете.

Тој во неговиот дом во Соботско, во близина на Воден, деновиве го очекува писменото судско образложение на пресудата. Потоа, со неговиот бранител ќе решат што ќе прават по процесот за кој Царкњас тврди дека е класичен пример за монтиран процес. Една од водечките фигури и симбол на движењето на Македонците од Егејска Македонија за остварување на националните и политичките права беше обвинет дека пред седум години претепал 12-годишно дете во близина на својот дом. Тоа беше само еден од неколкуте инциденти што се случија последниве години во кои групи момчиња ја каменуваа неговата куќа поради неговата промакедонска дејност.

Пред седум години група од петнаесетина момчиња, пеејќи ја националистичката песна „Прочуена Македонија“ и со извици „Скопјани бегајте“, со камења гаѓале кон неговиот дом. Царкњас излегол од куќата за да ги запре, при што фатил едно од момчињата за да дознае кои му се родителите.

- Ништо не му направив. Само го фатив за рака и го прашав кои му се таткото и мајката. Нејќеше да каже и јас го однесов во полициската станица. Тоа ме клоцаше по пат. Таму, полицајците ми рекоа дека немало потреба да доаѓам бидејќи тие ќе дошле. Го зедоа детето и го викнаа татко му. Кога тој дојде, од ходникот слушнав како полицајците му зборуваат: „Го знаеме него, автономист е, да го осудиме“. Во записникот потоа беше запишано дека сум сакал да го отепам детето - раскажува Никодим Царкњас.

Судскиот процес што се водеше сите овие години, според него, беше посебна приказна.

- Судијката не дозволуваше да се слушне ниту еден аргумент. Кога сведочеше мојата сестра, судијката не и' дозволи да каже ништо за тоа како се случил настанот. Ја праша само дали е од православна вера и толку. Дури поставуваше прашања со кои директно кажуваше дека јас сум го удрил детето, на што ние реагиравме. Освен ова, на судењето не беше доставен ниту еден документ дека детето е повредено - вели архимандритот кој последниве години гради прва македонска црква во Соботско во која извршува верски служби.

Тој досега потрошил околу 60.000 евра за судските процеси што се водат во Грција против него. Врз неговата куќа во април минатата година се случил напад, при што беа искршени прозорците и оштетена фасадата. Нападот го извеле малолетници од блиското средно училиште, кои со повици му порачувале „да си оди во Македонија“.

Тужба од Македонци
- Тешко ми паѓа и тоа што зад тужбата стојат луѓето што се Македонци. Родителите на тоа дете ми се и далечни роднини, бидејќи таткото на детето е прв братучед на снаа ми, сопругата на мојот постар брат. Тој и неговата жена сведочеа дека детето е повредено, а што не е вистина. Имаше и некои други сведоци-Македонци. Тие соработуваат со властите - вели Царкњас.

Бранко Ѓорѓевски - Дневник

 Посети: {moshits}