логоFacebookTwitterYouTubeeMail

 3.angeli.so.truba

Избликот на радост што го следеше торжеството во Охрид, го надополни и ликувањето на Бигорската обител, која за првпат го пречека својот игумен и пастир како носител на архиерејско достоинство. Радосните погледи на браќата и сестрите, зрачеа од љубов пред достоинствениот лик на Антанискиот епископ г. Партениј, нивниот возљубен татко, а сега и владика, додека во храмот се слушаа умилните возгласи на многолетствието и свеченото иподохи – чин за пречек на великодостојник. Трогнат од верноста и почитта на своите чеда монаси, нашиот сакан Старец скромно ја искажа својата благодарност и напомна за свештениот долг што Бог го возложил на нашите монашки заедници во Својата промисла за спасение на благоверниот народ

„Најмили мои браќа и сестри монаси и монахињи, уште еднаш, најтопло и од срце ви се заблагодарувам за сето она што го направивте за мене, недостојниот, та чинот на хиротонијата да биде едно духовно доживување и радост за сите. Со тоа повторно на дело го покажавте она, што низ заеднички подвиг го учевме заедно во изминативе 25 години – дека само преку подвизување во љубовта Христова можеме да го достигнеме плодот што Бог ни го ветил во Евангелието. Само тогаш ќе нѐ познаат дека сме Негови ученици и само така ќе го исполниме она што Бог го посакува од нас. Денес, во мојата пристапна беседа накратко кажав дека вие, мили мои монаси и монахињи, сте моето сѐ овде, во овој живот. Сѐ што правам и ќе правам до крајот на моето земско суштествување е единствено за слава Божја и за вашето спасение. Тука, се разбира, мислам и на сите мои духовни чеда, како и на штитениците коишто поминале низ нашите манастири и што од срце и со солзи во очите ги спомнав. И тие се плод на нашите монашки заедници. Затоа, ве замолувам да ги чуваме заедниците, да ја чуваме љубовта помеѓу нас, да го чуваме послушанието. Нашите обители имаат свештена одговорност пред Бога да го продолжат патот по кој досега одеа, но сега наоружани со уште посилна молитва и поголем подвиг. Да знаете дека во разговор со некои духовни отци од Света Гора, кои ги поканив на мојата хиротонија, тие не пропуштија да ми нагласат колку голема важност имаат нашите манастири за Татковината и народот и колку многу треба да ги чуваме нашите свети заедници. Нека тоа ни биде поттик за понатаму уште повеќе да се трудиме во послушанието и да утврдуваме на патот на спасението, раснејќи ги духовно овие христоподобни заедници, кои досега направија навистина многу за евангелската проповед кај нас. Денес ме восхити глетката во и околу „Света Софија“. И покрај вонредните услови, и покрај сите мерки и претпазливости, сами видовте колку многу народ зеде учество во свечената богослужба и колку тој со љубов возврати на сето она што нашите манастири го направиле досега. Не смееме тоа никогаш да го заборавиме, бидејќи Бог нѐ повикува на уште поголема одговорност за спасението на тие луѓе, барајќи од нас и понатаму да им помагаме, пожртвувано да се трудиме за нив, со добри дела и христијанска почит. Бог нека ги удвои нашите сили, за да можеме да го издржиме нашиот подвиг до крајот. Денес особено ги просам вашите молитви. Не се чувствувам достоен за службата на која Господ ме постави, но Го молам да ми дава сили и духовна поткрепа, за непосрамено и во Негова слава, а за полза на народот и Црквата, да го износам овој крст што денес Он го возложи на моите плеќи.

Навистина не очекував дека, после сиот напор што го вложивте деновиве, повторно ќе ме изненадите со ваков прекрасен синовски пречек. Ви благодарам срдечно, најмили мои!“.

Силниот восклик: „Достоен“, што одекна во бигорскиот храм, му го даде на Старецот одговорот на нашите души, поставени пред новиот духовен предизвик што Бог го исправи на неговиот пат. А настанот го круниса подарокот на нашите добри пријатели од Србија – икона на Светите Сурдулички маченици со честички од нивните мошти. Видливо израдуван од подарокот, нашиот старец, игумен и Епископ Партениј ја искажа својата искрена надеж дека исто како што Четиридневниот Лазар воскресна од својот мрачен гроб, така и помесните православни Цркви ќе излезат од тесните гробови на национализмот во кои се затворени.

Добредојде дома, Владико свети!

 

 

 

 

 

 

 

 

 

 

  

Извор:

https://bigorski.org.mk/vesti/nastani/bigorski-go-precheka-svojot-starec-pastir-i-vladika/

12ти јули 2020 лето Господово

 

 



Видео содржини

Поуки од Светите Отци

dobrotoljubie

Беседи

ЗА ПОКАЈАНИЕТО - АРХИМАНДРИТ ГЕОРГИЈ КАПСАНИС

ЗА ПОКАЈАНИЕТО - АРХИМАНДРИТ ГЕОРГИЈ КАПСАНИС

И колку повеќе некој ја чувствува грешноста си, толку и се кае подобро и повеќе. И затоа го гледаме овој голем знак – тајна може да каже некој – во...

Митрополит Струмички Наум: Недела на свети Јован Лествичник (10.04.2021)

Митрополит Струмички Наум: Недела на свети Јован Лествичник (10.04.2021)

Срцето на овој степен сè уште е заробено од страстите, така што демонот релативно лесно, преку помислите и сетилата, однатре, го наведува човекот на грев. Колку што човекот слободно му...

На свети Григориј Палама - Старец Георгиј Капсанис II дел

На свети Григориј Палама - Старец Георгиј Капсанис II дел

Црквата го прославува споменот на еден нов светител, светиот Николај Планас, еден прост отец, неписмен но свет, оженет свештеник од некогашна Атина. Свети Николај – по потекло од Наксос –...

О.Николај Киранџиќ: НЕДЕЛА НА СВЕТИ ЈОВАН ЛЕСТВИЧНИК

О.Николај Киранџиќ: НЕДЕЛА НА СВЕТИ ЈОВАН ЛЕСТВИЧНИК

 Болестите, пак, честопати се плод на нашата гревовеност, безаконие и неуреден живот, но честопати тие се и Божја казна за нашите гревови. Затоа, ако сакаме да се ослободиме од болеста,...

Митрополит Струмички Наум:  ПРЕСВЕТА БОГОРОДИЦЕ, спаси нѐ!

Митрополит Струмички Наум: ПРЕСВЕТА БОГОРОДИЦЕ, спаси нѐ!

Севкупниот Домострој на нашето спасение е дело на нашиот Бог – Света Троица, од Отецот, низ Синот, во Светиот Дух. Овој Домострој е Христоцентричен (исто како и нашиот живот во...

Викарен Епископ Јаков Стобиски: Тајната на Крстот

Викарен Епископ Јаков Стобиски: Тајната на Крстот

Во животот неизбежно ќе страдаме и ќе носиме крст, сакале или не, и ќе бидеме распнати, сакале или не, и ќе умреме на него, сакале или не, но на крстот...

Митрополит Струмички Наум: КРСТОПОКЛОНА НЕДЕЛА (03.04.2021)

Митрополит Струмички Наум: КРСТОПОКЛОНА НЕДЕЛА (03.04.2021)

 Во секое наше лично страдање Го препознаваме првенствено Христос и го надградуваме нашиот личносен однос со Него. Самото страдање е реално, но тоа останува во втор план, затоа што преку...

За втората недела на постите - (на свети Григориј Палама) - Старец Георгиј Капсанис

За втората недела на постите - (на свети Григориј Палама) - Старец Георгиј Капсанис

Но светиот Григориј имајќи го опитот на аскетите на Света Гора и на сите свети Отци на Црквата ни, се спротистави на оваа прелест, на рационализмот на западниот Варлаам, со...

О.Николај Киранџиќ: НЕДЕЛА НА СВЕТИ ГРИГОРИЈ ПАЛАМА

О.Николај Киранџиќ: НЕДЕЛА НА СВЕТИ ГРИГОРИЈ ПАЛАМА

Гревот, тоа духовно помрачување на човековата душа бил причинителот за болеста на фатениот, па затоа било потребно прво тој да се уништи. Болестите, пак, честопати се плод на нашата гревовеност,...

« »