логоFacebookTwitterYouTubeeMail

 „Откако се покажа како љубител на Господа, и крстот го зеде на рамо, си Го следел Него и животот си го завршил; Евангелието си го објавил јасно и вистински, во Охрид си ги просветлил сите народи; затоа, удостоен со божествени венци, си примил смелост, преславен ерарху! Поради тоа те повикуваме: Моли се на Христа Бога, да ни даде прошка на гревовите, нам кои со љубов го празнуваме твојот свет спомен“ (седален на Утрена на св. свештеномаченик Еразмо Охридски Чудотворец).

 sverazmo2020 1

sverazmo2020 2

И оваа Господова година, иако се наоѓаме во вондредни услови, споменот на светиот свештеномаченик Еразмо Охридскиот Чудотворец, свечено беше прославен во манастирот во кој тој се подвизуваше и на Бога Му принесуваше угодни молитви. Празнувањето започна на 14.06.2020 година, во вечерните часови, со празнична Вечерна богослужба, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, свештениците Горан Ставрески и Љупчо Бакрачески и протоѓаконот Николче Ѓурѓиноски.


sverazmo2020 3
 
sverazmo2020 4

sverazmo2020 5

sverazmo2020 6

sverazmo2020 7

sverazmo2020 9


Празнувањето продолжи на 15.06.2020 година, со света архиерејска Литургија, на која чиноначалствуваше Митрополитот Тимотеј, во сослужение на протоерејот-ставрофор Никола Христоски, свештениците Горан Ставрески и Љупчо Бакрачески и протоѓаконот Николче Ѓурѓиноски. По завршувањето на Литургијата, беше извршен чинот на Мал водосвет и беше пресечен празничниот колач, а Митрополитот Тимотеј се обрати кон верниот народ со пригодна беседа, која подолу во целост ви ја пренесуваме. Во оваа прилика, Дебарско-кичевската епархија Охрид им се заблагодарува на сите верници кои го посетија манастирот „Св. Еразмо Охридски“ и се помолија на великиот свештеномаченик, а особена благодарност изразуваме за нивното трпение поради воведените посебни мерки. Истовремено, искажуваме и голема пофалба за културното и достоинствено однесување на сите верници, со што ни помогнаа и нас и оваа година да му изразиме достојна почит на светиот Еразмо. По неговите молитви Господ да нѐ избави од сите искушенија и да ни дарува вечен живот. Во продолжение ви ја пренесуваме беседата на Митрополитот Тимотеј.

 sverazmo2020 13

Митрополит Тимотеј


Во името на Отецот и Синот и Светиот Дух.
Драги браќа и сестри,


sverazmo2020 14

„Барајте го најнапред царството на Бога и Неговата правда, и сѐ ова ќе ви се придаде" (Мт. 6, 33)


Нашиот Спасител Господ Исус Христос ги поучува Своите ученици да не се преоптоваруваат премногу со непотребни работи, бидејќи сѐ во животот се наоѓа во рацете Божји и е потчинето на Неговата света волја. Често нашето време го поминуваме трудејќи се и размислувајќи за работи од овој свет. Во тој наш труд, се соочуваме со многу маки и непријатности, живеејќи со надеж за добивање на минимални добивки и благосостојби. Но, во тој наш труд, честопати знаеме да ги запоставиме основните работи, оставајќи ги на страна. Забораваме да размислуваме за Бога и молитвено да се обраќаме кон божествениот Отец. Секојдневните обврски ја засенуваат грижата за спасение на нашата душа. Затоа сѐ помалку го насочуваме погледот кон светот што не опкружува и не гледаме како Бог сѐ разумно устроил и раководи.


Ете, птиците летаат во небесните височини. Тие ниту сеат, ниту жнеат и не се грижат за потребната храна, а секогаш се сити. И цветовите и тревата и дрвјата се облечени во прекрасни бои, иако воопшто не се грижат за тоа. Тие се облечени толку убаво, бидејќи такви се создадени од Бога. Ако неразумните Свои созданија Бог не ги остава и бездушните растенија кои ги создал ги грее со зраците на создаденото сонце, тогаш колку ли повеќе ќе им ја укаже Својата неискажлива милост и ќе им испрати сѐ неопходно на оние што ги создал како разумни, кои веруваат во Него и кои се трудат и Го благовестат Бога. Затоа и Господ Исус Христос повикува: „Барајте го најнапред царството на Бога и Неговата правда, и сѐ ова ќе ви се придаде" (Мт. 6, 33).


Сосема е неисправно размислувањето на некои луѓе кои оваа заповед ја толкуваат погрешно и велат дека човечкиот труд и грижливост не значат ништо, бидејќи сета работа не зависи од нас, туку од Господа. Ним им е сеедно дали ќе работат или не, дали ќе се одмараат или ќе се трудат, бидејќи, според нив, од Бога зависи кого ќе го награди, а кого ќе го казни. Со ова тие ја оправдуваат својата мрзливост и неработливост. Но, ние знаеме дека Господ не ја осудува трудољубивоста, туку зборува за тоа дека суетните оптоварувања и големите грижи не треба да бидат причина која ќе нѐ оддалечи од патот на спасението. Ние знаеме дека Самиот Господ Исус Христос духовно се трудел и нам ни заповедал да се трудиме и тоа не само за нас, туку и за ближните. Кога Христос вели да бидеме милостиви, да нахраниме гладен, да напоиме жеден, да примиме странец, ни го заповеда токму ова. Ние знаеме дека Господ ги праќа своите ученици на проповед и вели: „Секој работник ја заслужува својата награда" (Лк. 10, 17).


Многумина себеси се сметаат за христијани. Но потребно е христијанството вистински да се живее. Христијански се живее само тогаш кога сите постапки, мислења, очекувања и делувања се мерат со мерката на Господа Исуса Христа, односно со Неговото учење. За тоа се потребни сили да се погледне кон себе, кон сопствената душа, зашто многу е лесно да се падне во искушение. Патот на спасението е тесен и според зборовите на Господа Христа, да се оди по него воопшто не е лесно. Ние можеме многу лесно да отстапиме и да паднеме. Но, потребно е да бидеме исправени војници Христови, за да се спротивставиме на духовните непријатели на родот човечки, кои исто така не спијат, туку го чекаат нашето отстапување и паѓање. Ние сме должни овој пат да го поминеме до крај и да не се вртиме назад. Напред нѐ чека неискажливата награда – блаженство и вечност заедно со Господа, со Богородица и со Божјите угодници.

sverazmo2020 15
Ние денеска го прославуваме свети Еразмо Охридски чудотворец. Да се обратиме кон него со искрена молитва за тој да биде наш молитвеник и да не штити на патот кон Царството Божјо. Да ни помогне во нашите секојдневни обврски и грижи, да не го запоставиме главниот пат кон Царството небесно и да не ја занемариме грижата за нашите души. И ние да се удостоиме да бидеме израдувани и наречени чеда Божји, па да бидеме избрани меѓу многубројните, зашто Господ вели: „мнозина се повикани, а малцина избрани" (Мт. 22, 14). По молитвите на свети Еразмо, така нека биде. Амин.

sverazmo2020 16
Свети Еразмо Охридски
Манастир „Свети Еразмо Охридски" Охрид
15.06.2020 год.

 sverazmo2020 17

 

http://www.dke.org.mk/index.php/3280-2020-06-16-09-03-37

 

 



Видео содржини

Поуки од Светите Отци

dobrotoljubie

Беседи

 Митрополит Струмички Наум: Недела на света Марија Египетска (17.04.2021 )

Митрополит Струмички Наум: Недела на света Марија Египетска (17.04.2021 )

Христос нѐ потсетува сите дека нашето Царство не е од овој свет и дека во овој живот нѐ очекуваат и страдања. Со оваа вистина треба да сме начисто и да...

Жарко Ѓоргиевски: Недела на свети Јован Лествичник

Жарко Ѓоргиевски: Недела на свети Јован Лествичник

Потикнат од голема љубов кон Бога и Христовата наука, уште на 17 годишна возраст Јован го прифатил благиот јарем Христов и се упатил по тесниот пат, по кој одат праведниците...

ЗА ПОКАЈАНИЕТО - АРХИМАНДРИТ ГЕОРГИЈ КАПСАНИС

ЗА ПОКАЈАНИЕТО - АРХИМАНДРИТ ГЕОРГИЈ КАПСАНИС

И колку повеќе некој ја чувствува грешноста си, толку и се кае подобро и повеќе. И затоа го гледаме овој голем знак – тајна може да каже некој – во...

Митрополит Струмички Наум: Недела на свети Јован Лествичник (10.04.2021)

Митрополит Струмички Наум: Недела на свети Јован Лествичник (10.04.2021)

Срцето на овој степен сè уште е заробено од страстите, така што демонот релативно лесно, преку помислите и сетилата, однатре, го наведува човекот на грев. Колку што човекот слободно му...

На свети Григориј Палама - Старец Георгиј Капсанис II дел

На свети Григориј Палама - Старец Георгиј Капсанис II дел

Црквата го прославува споменот на еден нов светител, светиот Николај Планас, еден прост отец, неписмен но свет, оженет свештеник од некогашна Атина. Свети Николај – по потекло од Наксос –...

О.Николај Киранџиќ: НЕДЕЛА НА СВЕТИ ЈОВАН ЛЕСТВИЧНИК

О.Николај Киранџиќ: НЕДЕЛА НА СВЕТИ ЈОВАН ЛЕСТВИЧНИК

 Болестите, пак, честопати се плод на нашата гревовеност, безаконие и неуреден живот, но честопати тие се и Божја казна за нашите гревови. Затоа, ако сакаме да се ослободиме од болеста,...

Митрополит Струмички Наум:  ПРЕСВЕТА БОГОРОДИЦЕ, спаси нѐ!

Митрополит Струмички Наум: ПРЕСВЕТА БОГОРОДИЦЕ, спаси нѐ!

Севкупниот Домострој на нашето спасение е дело на нашиот Бог – Света Троица, од Отецот, низ Синот, во Светиот Дух. Овој Домострој е Христоцентричен (исто како и нашиот живот во...

Викарен Епископ Јаков Стобиски: Тајната на Крстот

Викарен Епископ Јаков Стобиски: Тајната на Крстот

Во животот неизбежно ќе страдаме и ќе носиме крст, сакале или не, и ќе бидеме распнати, сакале или не, и ќе умреме на него, сакале или не, но на крстот...

Митрополит Струмички Наум: КРСТОПОКЛОНА НЕДЕЛА (03.04.2021)

Митрополит Струмички Наум: КРСТОПОКЛОНА НЕДЕЛА (03.04.2021)

 Во секое наше лично страдање Го препознаваме првенствено Христос и го надградуваме нашиот личносен однос со Него. Самото страдање е реално, но тоа останува во втор план, затоа што преку...

« »