логоFacebookTwitterYouTubeeMail

 blagovestenie2020 1

07 Април 2020

„Архистратигот на ангелските сили беше испратен од Бога при чистата Дева да ѝ го благовести необичното и неискажливо чудо: бессеменото воплотување на Бога од неа и нејзиното девствено раѓање, заради обновување на целиот човечки род. Луѓе, објавувајте ја оваа радосна вест“ (Светилен на Утрена на Благовештение на Пресвета Богородица).

 blagovestenie2020 2

blagovestenie2020 4

blagovestenie2020 5

На 07.04.2020 година, на денот кога го празнуваме свештениот празник на Благовештението на Пресвета Богородица, денот кога беше објавен почетокот на нашето спасение, во манастирот „Св. Климент и Пантелејмон“ на Плаошник во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, свештеникот Љупчо Бакрачески и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати кон верниот народ со пригодна беседа, која ви ја пренесуваме во целост.

 blagovestenie2020 7

Митрополит Тимотеј

Во името на Отецот и Синот и Светиот Дух.

Драги браќа и сестри,

Денеска, од светото Евангелие според Лука (Лк. 1, 24-38), слушнавме за едно собитие кое се случило пред 2000 години. Ние денеска ја чествуваме Царицата небесна, нашата непрестајна застапница и утешителка – Пресвета Богородица. На денешен ден таа била возвеличена од сиот човечки род заради благата вест од небесниот гласник. Архангелот Гаврил ѝ соопштил дека таа ќе биде Мајка на Спасителот Кој ќе го спаси човечкиот род, дека ќе биде Мајка не на обичен човек, туку на Синот Божји. Во деновите на Велигденскиот пост не може да има поголема утеха за христијанската душа од тоа да се потсети на ова светло откровение и вдахновен источник на нашето спасение.

Свети евангелист Лука ни раскажува дека архангелот Гаврил дошол кај света Дева и ѝ рекол: „Радувај се благодатна, Господ е со тебе. Благословена си ти меѓу жените". Свети Гаврил ја нарекува благодатна, односно исполнета со посебна благодат и милост Божја. Архангелот со овие зборови всушност посведочува дека света Дева Марија била секогаш со Бога. Во сите денови од нејзиниот живот, сите нејзини очекувања, помисли и трудови биле насочени кон Бога. Токму затоа, таа е почесна и поголема од сите жени на овој свет, па затоа се нарекува и Пречиста Марија. Природно зборовите на светиот архангел Гаврил ја зачудиле Богородица. Кај неа се јавило двоумење, па затоа и го прашала небесниот гостин: „Како е можно тоа да се случи, кога јас не знам за маж?" Но, архангелот и вели: „Не плаши се Марија, ти си нашла благодат во Бога и ќе зачнеш Син и ќе Го наречеш Исус." После овие зборови света Богородица се согласила со веста и рекла: „Нека биде волјата Божја." Токму овие зборови се почеток на нашето спасение, кое почнува во мигот кога света Дева Марија ќе се согласи да биде Мајка на Синот Божји и на Спасителот на родот човечки. Да обратиме внимание на фразата од Евангелието која кажува дека раѓањето не се случило на некој друг начин, туку преку зачнување на света Дева од Светиот Дух, па така се раѓа Син Божји и Син човечки.

Света Дева Марија ја искажува својата покорност на Божјата волја и не обраќа внимание на сите можни оговарања, приговарања, осудувања и слично. Не го поставува прашањето: како ќе реагира нејзиниот чувар – старецот Јосиф, како ќе реагира средината во која живеела, и уште многу други претпоставки, кои можат да произлезат од овој настан. Но, света Дева Марија сето тоа го остава на страна и се препушта на Бога со зборовите: „Еве ја слугинката, нека биде според волјата Божја". Затоа нејзината одлука да биде покорна на волјата Божја, стои повисоко од сите овоземни предрасуди и мислења.

Прославувањето на Благовештението на Пресвета Богородица за време на Велигденскиот пост, треба да ни послужи за вдахновување на духовните сили. Да се поучиме од Пресвета Дева за нејзината подготвеност да ја исполни волјата Божја со безсомнежна вера и надеж во промислата Божја. Примерот на Царицата небесна и нејзината подготвеност да Му служи на Бога, треба и нам да ни бидат патеводителна ѕвезда на сите животни патишта. Многу може да направи цврстата и непоколеблива вера. Верата е сила и најголемо богатство и нѐ спасува и води во вечен живот. Затоа потребно е и ние како верници, за време на Велигденскиот пост да внимаваме на благодатниот пример на Пресвета Богородица, та со сето срце да веруваме во Господа. Да се надеваме во Божјата волја и да се покоруваме пред промислата Божја, бидејќи според зборовите на светите отци ништо не се случува со луѓето без допуштање Божјо. Пресвета Богородице помагај ни. Амин.

Благовештение на Пресвета Богородица

blagovestenie2020 6

blagovestenie2020 9

Ман. „Св. Климент и Пантелејмон" Плаошник, Охрид

07.04.2020 год.

 

 



Видео содржини

Поуки од Светите Отци

dobrotoljubie

Беседи

Митрополит Струмички Наум: Светилникот на нашето време (11.01.2021)

Митрополит Струмички Наум: Светилникот на нашето време (11.01.2021)

Се сеќавам, кога понекогаш ќе ми беше многу тешко и кога ќе отидев кај него на исповед, ќе ме сослушаше и без да ми даде никаков совет, само ќе одмавнеше...

Митрополит Струмички Наум: КОПНЕЖ – ДУХОВНО ДА СЕ ПРОГЛЕДА (10.01.2021)

Митрополит Струмички Наум: КОПНЕЖ – ДУХОВНО ДА СЕ ПРОГЛЕДА (10.01.2021)

Слепиот верува дека Господ Исус може да го исцели и затоа никој, и покрај забраните, не може да го спречи неговиот молитвен повик кон Него. Тоа е вистинска пројава на...

ВИСТИНСКИ БОЖИК - СТАРЕЦ ГЕОРГИЈ КАПСАНИС (06/01/2021)

ВИСТИНСКИ БОЖИК - СТАРЕЦ ГЕОРГИЈ КАПСАНИС (06/01/2021)

Смирената наша молитва од Света Гора е да се подвизуваме сите против нашето самољубие, со цел да дојди во нашите срца, во нашите семејства, во татковината ни и во светот...

РОЖДЕСТВО ХРИСТОВО – Архимандрит Георгиј Капсанис

РОЖДЕСТВО ХРИСТОВО – Архимандрит Георгиј Капсанис

Оваа тајна се извршува во Црквата, зашто ние кои живееме во Црквата стануваме учесници во Божјата предвечност, во вечниот живот, во вистинскиот живот на Пресвета Троица. Се разбира, сѐ уште...

Митрополит Струмички Наум: Секој се самооправдува; има ли некој – да се покае? (03.01.2021 16:57)

Митрополит Струмички Наум: Секој се самооправдува; има ли некој – да се покае? (03.01.2021 16:57)

 Вакво нешто се случува и со нас, посебно кога на некој прекор од нашиот духовен отец, наместо да ја препознаеме нашата слабост, да побараме прошка и да се поправиме, ние...

Митрополит Струмички Наум: СЕКОЈ САКА ДА Е НЕКОЈ, НИКОЈ НЕ САКА ДА РАСТЕ (02.01.2021)

Митрополит Струмички Наум: СЕКОЈ САКА ДА Е НЕКОЈ, НИКОЈ НЕ САКА ДА РАСТЕ (02.01.2021)

Не се моја тема толку промените во општеството, колку што се промените во Црквата. И не толку промените во Црквата, колку што е промената барем на еден човек во Црквата.Мислам...

БEСEДА за главнoтo прoрoштвo на прoрoкoт Исаија

БEСEДА за главнoтo прoрoштвo на прoрoкoт Исаија

Тoгаш Исаија прoрeкoл дeка нeпријатeлoт нeма да гo зазeмe Eрусалим. Глeдајќи дeка царoт нe му вeрува, тoј му рeкoл да бара знак, чудo, или oд нeбoтo или oд зeмјата. Нo...

Митрополит Струмички Наум: Како договорени (27.12.2020)

Митрополит Струмички Наум: Како договорени (27.12.2020)

Така и во нашиот случај, луѓе – странци меѓусебно, со различни гревовни навики и индоктринирани од различни колективни несвесни гревовни шеми, ги гледаме дека восогласено дејствуваат како под команда, кога...

Митрополит Струмички Наум: За лепрозниот Самарјанин (20.12.2020)

Митрополит Струмички Наум: За лепрозниот Самарјанин (20.12.2020)

Исто така, и повеќето христијани, на почетокот од духовниот живот, со помош на првата благодат, ја очистуваат енергијата на својот ум, но не успеваат да продолжат по патот на духовниот...

« »