логоFacebook  Twitter  YouTube  eMail

 svklimentvec2015 7

„Се фали градот Охрид, кој се збогати со твоето божествено тело, отче. примајќи постојано светлина и благодат која тече непрестајно. Него штити го, неразурнат од рацете на непријатели“ (песна од Канонот на Утрена на свети Климент Охридски Чудотворец).

svklimzim2015 1

 svklimzim2015 3

 svklimzim2015 4

svklimzim2015 5

 svklimzim2015 6

Торжествата по повод празнувањето на светиот Климент Охридски Чудотворец и светиот Климент папа Римски, продолжија на самиот ден на празникот (08.12.2015), кога во манастирот „Св. Климент и Пантелејмон“ на Плаошник во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, протоерејот Никола Христоски, свештениците Владо Недески, Љупчо Бакрачески и Роберт Илијевски, протоѓаконот Николче Ѓурѓиноски и ѓаконите Сашо Целески и Христијан Костоски. На Литургијата, покарј многубројниот верен народ, присуствуваа и претставниците на општина Охрид, предводени од градоначалникот на Охрид, г-дин Никола Бакрачески. По завршувањето на Литургијата, беше прекршен празничниот колач, а Митрополитот Тимотеј се обрати кон верниците со пригодна беседа, која во целост ви ја пренесуваме.

 svklimzim2015 9

Митрополит Тимотеј

 
Во името на Отецот и Синот и Св. Дух.

Драги браќа и сестри,

 

Верата е столб на нашиот живот. Човекот од Бога е создаден како психофизичко битие, и преку неговиот столб, односно преку верата, дадена му е можност да здобие вечен живот. Верата е двигател и регулатор на нашите постапки, на нашите мисли, делувања и однесувања во овој минлив живот. Верата нè води кон нашиот вистински извор на вредности, а тоа е единиот и вистинит Бог Господ Исус Христос. Само преку верата можеме да дојдеме кај Бога. Односно преку верата можеме да се соединиме со Него и да ја спечалиме Неговата милост и благодат. Верата ни дава сила, енергија и цврстина да одиме по вистинскиот пат. Патот кој нè води кон Бога во царството небесно. Верата ни дава сила да Го чувствуваме Бога за наш родител и да се однесуваме кон Него со почит. Но, ни дава и доверба дека Он е наш единствен заштитник и помагач.


Уште во Стариот завет, боговдахновениот псалмопејач вели: „Бог ни е нам прибежиште и сила, и помошник, на секој кој во мака ќе се најде" (Пс. 45, 1), а Самиот пак Бог им заповеда на христијаните: „И повикај Ме во тежок ден; Јас ќе те избавам и ти ќе Ме прославиш" (Пс. 49, 15). Тоа може да се спореди со едно мало дете коешто има неизмерна доверба и љубов кон своите родители, и во секоја неприлика, без никакво размислување, ги шири своите раце и оди во прегратките на своите родители, не сомневајќи се дека во нив има вистински покровители и чувари.


Нашата вера ни дава сила да измолиме благодат Божја. А Божјата милост се манифестира врз христијаните преку светите таинства и молитвословија, Свештенодејствија коишто светата Црква ги разделува на своите верници. Основен услов да се здобиеме со Божјата благодат, односно со Божјите сили и енергии, е силната и непоколеблива вера во Бога, во Неговото провидение и во Неговата милост. За да ја добиеме Божјата милост, покрај нашата вера, потребен е и наш голем труд, изразен преку пост, молитва, исповед. Да се исчистиме, како физички, а уште повеќе духовно, та благодатта Божја да може да се всели во нас. Таа ќе се всели, доколку нашата душа, нашето срце и нашиот ум бидат подготвени и исчистени од лоши мисли, злоби, завидливости и слично, и само доколку отсечеме секакви зла од нашиот ум и од нашата помисла. И така очистени, измиени и препородени, ќе можеме да ја очекуваме изобилната Божја благодат. Благодатта којашто ќе ни даде сила и моќ да ги пребродуваме сите искушенија, маки и страдања, бидејќи Бог е наш покровител и заштитник: „Ако е Бог со нас, кој ќе е против нас?" (Рим. 8, 31).


Дека ова не е невозможно, ни посведочуваат безбројните Божји угодници коишто живееле во овој свет и на овие простори. Еден од таквите, кого денес го прославува нашата Црква е св. Климент Охридскиот Чудотворец. Како што знаеме, овој свет човек живеел, проповедал и дејствувал во IX и во почетокот на X век. Тој, со неговото свето живеење, уште за време на земниот живот, се удостоил да биде обдарен со Божја благодат. Бил обдарен да лекува, да помага, да штити и да ја утврдува верната паства во словото Божјо. Како ретко кој во тоа време, св. Климент создал плејада на свои следбеници. Следбеници кои го ширеле словото Божјо и ги облагородувале луѓето со Христовата вера за спасение на нивните души. Затоа, светата Македонска православна црква го прославува како свој патрон, а градот Охрид како свој покровител и заштитник. И денес постојат верувања дека свети Климент, со виделце в раце, шета низ охридските улици и го штити градот од секакви непријателски и демонски сили. Па и ние денес, коишто сме собрани во неговиот свет манастир, да се обратиме со искрена молитва, тој да биде наш заштитник, чувар и поткрепувач на нашата вера и на нашата света Црква. Да ни ја зацврсти православната вера, да ни ја умножи љубовта Христова, па не само со збор, туку и со дело, да Го сведочиме Господа Христа и да спечалиме милост Божја и вечен и блажен живот. Амин!

 
Св. Климент Охридски
08. 12. 2015 година
Манастир „Св. Климент и Пантелејмон" - Плаошник

svklimzim2015 8

svklimzim2015 10

 svklimzim2015 11

 svklimzim2015 12

svklimzim2015 13

 svklimzim2015 14

Извор: Дебарско- кичевска епархија



Поуки од Светите Отци

dobrotoljubie

Беседи

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

 Таа единствена тихувателка и патоводителка низ исихијата, нè приведува во заедницата од која се откинавме, а еве повторно ни е дадена можност, не само да се вратиме, туку да црпиме...

Митрополит Струмички Наум: СВЕТИ ГРИГОРИЈ ПАЛАМА (26.11.2022 )

Митрополит Струмички Наум: СВЕТИ ГРИГОРИЈ ПАЛАМА (26.11.2022 )

Во Црквата не постои надворешен, т.е. научен критериум за познавање на Вистината – Христос, туку постои внатрешен, аскетско-исихастички (молитвен) критериум, преку кој лично и опитно Го познаваме Христос Вистинскиот Бог.Кога...

Сашко Николовски: СВЕТИ ЈОВАН ЗЛАТОУСТ 13/26 ноември

Сашко Николовски: СВЕТИ ЈОВАН ЗЛАТОУСТ 13/26 ноември

Животот на Златоуст бил тежок и бурен. Тоа е живот на подвижник и маченик. Меѓутоа, Златоуст не се подвизувал во својата келија, ниту пак во пустина, туку сред животната таштина,...

Св. Григориј Палама - „Господи, просвети ја мојата темнина„ (Собрани беседи)

Св. Григориј Палама - „Господи, просвети ја мојата темнина„ (Собрани беседи)

Градот војува сам со себе, завојувал сам со себе, се гази од своите сопствени нозе, се руши од своите сопствени раце, одекнува од своите сопствени извици. Она што е кај...

Поминувајте го времето на своето живеење со стравот ( I Пет. 1,17)

Поминувајте го времето на своето живеење со стравот ( I Пет. 1,17)

 Ова се зборови на големиот апостол Петар, зборови кои имаат двојна потврда: небесно вдахновение и сопствено искуство. По небесното вдахновение простиот рибар Петар, стана учител на народот, столб на верата,...

Игумен Фотиј Беровски: Извадоци од  беседа

Игумен Фотиј Беровски: Извадоци од беседа

        "Секогаш го дефинираме односот кон другите и односот кон себе...Каде и кога? Постојано, почнувајќи овде во Црквата а потоа и во своите домови. Секогаш кога зборуваме  на  оваа тема зборуваме...

Митрополит Струмички Наум : Како да ја зачуваме Божјата благодат во нас

Митрополит Струмички Наум : Како да ја зачуваме Божјата благодат во нас

За денешното евангелско четиво (види: Лука 8, 41–56) битно е да се запамети следново:Како што крвта е потребна за животот на телото, така и благодатта Божја е потребна за вистинскиот...

БEСEДА за пoзивoт на ситe христијани да бидат свeти

БEСEДА за пoзивoт на ситe христијани да бидат свeти

Акo вo пoслeднитe врeмиња свeтитe пoстаналe исклучoк, вo oниe први врeмиња, нeсвeтитe билe исклучoк.Свeтитe билe правилo. Всушнoст, нe трeба да сe чудимe штo апoстoлoт ги нарeкува ситe крстeни души вo...

БЕСЧУВСТВИТЕЛНОСТА КОН ГРЕВОТ

БЕСЧУВСТВИТЕЛНОСТА КОН ГРЕВОТ

Мораме да го слушаме Господ и да го правиме она што Господ ни заповеда и тогаш нема да ни требаат чуда за да веруваме! Верата доаѓа од срцето! Кога човек...

« »