логоFacebookTwitterYouTubeeMail

 ТРОПАРИ НА СВЕТИТЕЛИТЕ И ПРАЗНИЦИТЕ 

Тропар на светите
Христови маченици
Кипријан и Јустина
2 октомври / 15 октомври



Бог кој срцата ги испитува ве најде достојни,
за виша мудрост, о свети маченици Кипријане и Јустино,
Кипријан свети го приведе во познание на вистинското спасение, извлекувајќи го од лагата демонска за животот земен,
Јустина девственица ја наоружа со благодат на Крстот чесен,
покажувајќи дека Името Христово е Име Божествено.
Молете се за нас вие кои луди бевте за овој свет,
за да нас не умудрите пред Бога да припаднеме,
и на вашите молитви се надеваме.

 
Извор МПЦ – ОА

 

Тропар на светата
Христова маченичка
Ј У С Т И Н А
2 октомври / 15 октомври

Живот ти стана Христос,
и Животот ти принесе венци
о ти пречисто јагне Божјо Јустино,
едниот – венец на вистината,
кој ја уништи лагата демонска,
другиот – венец на мачеништвото,
кој за сведоштво го остави на стадото Христово.
Спомни си за нас убавино на Љубовта
пред престолот на Оној Кого го прославуваш.


 Тропар на светата
Дамара
2 октомври / 15 октомври

Сејачот во тебе благодатно го запали
пламенот на верата, од великиот Павле посведочен,
но и од тебе расеан помеѓу оние кои седеа во смртна сенка,
о, Дамаро верна Христова ученичке.
А ти ревносна проповедничка Атинска постана,
трудејќи се на секому да бидеш сѐ,
само кон Христа Господа да го приближиш.
Затоа нека сега молитвите твои за нас бидат
патеводители, кон спасението при Бога.



 
Извор МПЦ – ОА
Манастир свети Јован Претеча Слепче


Тропар на преподобната
Ана Кашинска
2 октомври / 15 октомври

Денес те восфалуваме, преподобна мајко, Ано монахињо:
зашто како лоза плодовита насреде трња,
си процутила во градот Кашин, со твоите добродетели,
восхитувајќи ги сите со необично живеење.
Затоа на Христа Бога Му угоди
и сега радувајќи се и веселејќи се,
претстојуваш во хорот на преподобните жени,
и се насладуваш со рајските убавини и радости.
Затоа те молиме, моли Го за нас Човекољубецот Христос,
нашиот Бог, да ни подари мир и голема милост.



 
Извор МПЦ – ОА

Тропар на светиот
новомаченик Христов
Хаџи – Георги
2 октомври / 15 октомври

Благословен си од Господа ти Георгие
свети мачениче, Кој рака ти подари и со душа твоја те помири,
која на исповедување уста ти приклони, за да во срце повторно се всели
благодатта која падови измива. Ревносен во исповедувањето,
трпелив во мачењето, глава во раце Божји предаде
и Царство Нетлено достигна,
од каде сега моли се за наше спасение.


 
Извор МПЦ – ОА
Манастир свети Јован Претеча Слепче

Тропар на светите
Христови маченици
Јован, Стефан, Петар, Борис,
Јаков, Теодор, Силван, Теодор,
Василиј, Теодор, Димитриј,
Михаил, Јован и Василиј Казански
2 октомври / 15 октомври

По молитвите на Твоите маченици, Господи,
се насади благочестивост во земјата Казанска
и како со огнен пламен со Православна вера истокот се просветли,
и сега по нивното застапништво, Човекољупче,
не ги спомнувај нашите безаконија,
но утврди нѐ нас во вистинската вера,
и мир подај ни, те молиме.


 
Извор МПЦ – ОА



Тропар на светиот
Христов исповедник
преподобен Теофил
2 октомври / 15 октомври

Велик си ти свети исповедниче на Иконите,
кои за време не знаат, а вистина вечно сведочат,
благодатта Христова која сила ти долеваше
до крај во подвигот маченички те крепеше.
Затоа за нас моли се да истраеме во
нашето на вистината исповедување.



 
Извор МПЦ – ОА
Манастир свети Јован Претеча Слепче


Тропар на светиот
Христов маченик
Теоктист
2 октомври / 15 октомври

Теоктисте свети мачениче,
ти кој ја позна вистината на верата,
во исповедништвото на Јустина и Кипријан свети,
до крај ја испи чашата на оние кои во Христа се радуваат
и не жалат за минливоста на овој свет.
Венец маченички добивајќи,
моли се за нас сведоку на благодатта Господова.



 
Извор МПЦ – ОА
Манастир свети Јован Претеча Слепче



Тропар на светиот
великомаченик Христов
Теодор Гаврас
2 октомври / 15 октомври

Заштитниче на угнетените,
исповедниче на верата која спасува,
великомачениче Теодоре Христов,
во земниот живот ја исповедаше Господовата благодат,
при мачеништвото ја проповедаше силата Божја,
и го посрами безумникот кој исчезнува во времето.
Радувај се сега венцоносен Христов војнику
и за нас моли се пред Оној на Кого послужи.

 

 

Извор МПЦ – ОА
Манастир Св. Јован Претеча Слепче

Православен календар за 15/10/2020

ТРОПАР

Тропар (грч. τροπάριον, цсл. тропа́рь) е кратка црковна молитвена песна, настаната во доцниот стадиум на химнографијата. Тропарот ја содржи суштината на празникот за кој е напишан и во кој се прославува светителот; во Канонот, тропарот следи после ирмосот. Често се однесува и на аполитикион (грч. απολυτίκιον), или отпустителна химна преку која се опишува главната тема на богослужењето на денот, а со која се завршува Вечерната богослужба.

Богородичен (теотокион) е посебен вид на тропар, кој е посветен на Пресвета Богородица. Помали варијации во Богородичниот водат кон Крстобогородичен (ставротеотокион), посебен вид на тропар посветен на страдањето на Пресвета при распнувањето на Христос на Крстот, и како таков најчесто се користи во среда и петок, денови кога Црквата се сеќава на чесниот Крст Господов.

Понекогаш тропарот се користи како рефрен помеѓу читање на стихирите.од Псалмите, иако примарната функција во тој случај ја имаат стихирите.

Тропарник се нарекува една засебна целина во книга со тропари и кондаци, за секој ден на Црковната литургиска година.

ПреминПортал

2020лето Господово

 Од Верскиот календар:

 

 vozdvizenie.jpg

Свети Андреј Јуродив    

По потекло Словен. Како роб го купи некој богаташ Теогност во Цариград, во времето на царот Лав Мудриот, син на царот Василиј Македонец. Андреј беше прекрасно момче, телесно и душевно. Теогност го засака и го даде да се описмени. Андреј усрдно Го молеше Бога и со љубов ги посетуваше црковните богослужби. Послушен на едно небесно видение, тој се посвети на подвиг на јуродство заради Христа. И еднаш, кога отиде на бунарот по вода, ја искина облеката на себе, ја исече со нож и се направи луд. Нажален од ова, господарот Теогност го врза во синџири и го одведе во црквата на Св. Анастасија Одврзителка, за да му се прочитаат молитви. Но бидејќи Андреј не се поправи во очите на својот господар, овој го пушти да живее слободно како умоболен. Свети Андреј дење се правеше луд, а ноќе Му се молеше на Бога. Живееше без покрив и засолниште. Ноќеваше во полето, одеше полугол, во една парталава наметка, јадеше малку леб, кога ќе му дадеа добрите луѓе. Од она што го примаше им делелше на просјаците, и тоа кога ќе им дадеше ќе ги изнавредеше за да не му благодарат. Бидејќи целата награда Свети Андреј ја очекуваше единствено од Бога. Затоа во него и се всели голема Божја благодат, па можеше да проѕира во човечките тајни, ги гледаше ангелите и демоните, ги изгонуваше демоните од луѓето, ги исправаше луѓето од гревот. Имаше прекрасни виденија на Рајот и највисоките небесни Сили; Го виде Господ Христос на престолот на славата; со својкот ученик Епифаниј Ја виде Пресвета Богородица во Влахернската црква како го покрива христијанскиот род со Својата одежда; слушна неискажливи зборови на небото, коишто не смееше на луѓето да им ги повтори. После нечуено тешките подвизи се упокои во 911 година и се пресели во вечната слава на својот Господ.

 vozdvizenie.jpg

Светиот свештеномаченик Кипријан
и девицата Јустина
    

Кипријан се досели од Картагена во Антиохија, каде што живееше и Јустина со родителите Едесиј и Клеодонија. Едесиј беше идолски жрец и целиот дом им беше незнабожечки. Но кога Јустина одејќи по христијанските цркви ја спозна вистинската вера, ги обрати и своите родители кон Господа Христа. И сите тројца примија Крштение од епископот Оптат. Кипријан пак, беше волх, имаше врски со нечистите духови и гаташе. Некој развратен млад човек Аглаид, незнабожец, сакаше по секоја цена да ја заведе Света Јустина, бидејќи се занесе од нејзината убавина, па кога девицата одлучно го одби, тој побара помош кај Кипријан. Кипријан ги наведуваше злите духови еден по друг на Јустина за да ѝ распалат страст по нечистиот Аглаид, но никако не успеа во тоа, бидејќи Света Јустина со знакот на крстот и со молитвата кон Бога ги одгонуваше од себе духовите на злобата. Тогаш Кипријан ја позна силата на крстот, па и самиот се крсти и со време стана презвитер и епископ. Озлобени незнабожците ги обвинија него и Јустина и обајцата ги предадоа на судот во Дамаск, по што беа мачени и убиени со меч во Никомидија, на крајот од 3 век.

Светите маченици Давид и Константин

Христијански кнезови од Аргвент. Беа осудени на смрт за Христа во Имеретија од калифот Емил-ел-Муменим и потопени во река во 730 година. Пред смртта Му се молеа на Бога да им ги прости гревовите на сите коишто ќе го призиваат нивното име во молитва на помош. Откако ја завршија својата молитва пукна гром и се чу глас од небото дека молитвата им е услишена. Моштите им почиваат во Грузија, во манастирот Моцамети.

 

 



Видео содржини

Поуки од Светите Отци

dobrotoljubie

Духовност

Ноември 10, 2020

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна Морача. Завршил Богословија во Белград, а на Богословскиот факултет на СПЦ, во Белград, дипломирал во 1962 година. Покрај теолошките науки, студирал и класична…
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 1122
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 1242
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1122
7.Vselenski.sobor
Премногу размислуваме во категоријата Бог – човек, наместо во категоријата личносни…

Беседи

Митрополит Струмички Наум: Како одат работите... (22.11.2020)

Митрополит Струмички Наум: Како одат работите... (22.11.2020)

Носењето на негативен заклучок многу лесно се надоврзува на трите посебно опасни илузии што ги имаат прифатено „христијаните“, во текот на својата историја, кои ги одделуваат од Вистината Христос, од...

Митрополит Струмички Наум: Ангелите се светлина (пример) за монасите; монасите се светлина (пример) за луѓето...“

Митрополит Струмички Наум: Ангелите се светлина (пример) за монасите; монасите се светлина (пример) за луѓето...“

Кога говориме за фанатизмот, отсекогаш ме воодушевувал примерот на светиот архангел Михаил. Некогаш, во кризниот момент на општото отпаѓање на ангелите, излажани од дотогаш најсветлиот и најбли- скиот ангел до...

БEСEДА за вoздигнувањe на чoвeкoт прeку вoскрeснатиoт Христoс

БEСEДА за вoздигнувањe на чoвeкoт прeку вoскрeснатиoт Христoс

Eвe ја висината дo кoја Бoг гo вoзвишил чoвeчкoтo битиe! Бидeјќи oвдe нe станува збoр за бoжeствeната прирoда Христoва, туку за чoвeчката, нe сe збoрува за вeчнoтo Слoвo Бoжјo, туку...

Митрополит Струмички Наум: Што е разликата помеѓу опсесија, илузија, прелест и помисла?(15.11.2020)

Митрополит Струмички Наум: Што е разликата помеѓу опсесија, илузија, прелест и помисла?(15.11.2020)

За разлика од демонските, мислите што ни доаѓаат од Божјата страна се суптилни, смирени, срамежливи, не сакаат да ја нарушат нашата слобода, а ни носат, главно, смиреност, покајание и плач....

Митрополит Струмички Наум: Со кого може да се разговара и за што (08.11.2020)

Митрополит Струмички Наум: Со кого може да се разговара и за што (08.11.2020)

 Тоа што е очигледно, за секој нормален, е дека, во овој период, против Македонската Православна Црква – Охридска Архиепископија се води специјална војна чија цел е растурање на нејзиното единство....

БEСEДА за срцeтo пoдгoтвeнo за Бoга

БEСEДА за срцeтo пoдгoтвeнo за Бoга

Пoдгoтвeнo e срцeтo мoe, Бoжe, спрeмнo e срцeтo мoe (Пс. 56:7). Блазe му на oнoј, браќа, кoјштo мoжe така да Му рeчe на свoјoт Гoспoд! Блазe му на oнoј чиe...

Митрополит Струмички Наум: За оние што се мислат безгрешни, пречисти и сигурно спасени, па сега ќе ја спасуваат и Црквата (30.10.2020)

Митрополит Струмички Наум: За оние што се мислат безгрешни, пречисти и сигурно спасени, па сега ќе ја спасуваат и Црквата (30.10.2020)

Пак ќе те прашам, уште ли се гледаш како чист!? Уште ли се гледаш како безгрешен!? Уште ли се гледаш како правоверен!? Уште ли се гледаш како спасен!? Гледаш, сега,...

Митрополит Струмички Наум:  Секташки дух (25.10.2020)

Митрополит Струмички Наум: Секташки дух (25.10.2020)

Секташкиот дух не го познава и признава покајанието. Тој дух во луѓето бара зло, вистинско или привидно, и на тоа се задржува. Се фаќа за еден збор, наместо за илјадници...

Беседа во спомен на Преподобен Теофил Струмички и Св. мч-ци Евлампиј и Евлампија

Беседа во спомен на Преподобен Теофил Струмички и Св. мч-ци Евлампиј и Евлампија

Нема ништо поблажено, возљубени, од тоа постојано да се предаваме на волјата Божја, постојано да живееме испитувајќи што навистина е според волјата Божја. Но тоа предавање и тоа испитување не...

« »