логоFacebookTwitterYouTubeeMail

 ТРОПАРИ НА СВЕТИТЕЛИТЕ И ПРАЗНИЦИТЕ 

Тропар на светиот
Христов свештеномаченик
Автоном
12 септември / 25 септември



Светињата ја раздаваше на светите,
свештеномачениче Божји Автономе,
народот во познание на Бога го приведуваше.
Крвта твоја пред олтарот леејќи ја,
душата во раце Христови ја предаде,
но устата која смртта ја замолкна
не престана за Христа да говори,
во чудесата извршени за наше спасение,
по твоите свети молитви.

Извор МПЦ – ОА
Манастир свети Јован Претеча Слепче 

 

Тропар на преподобниот
отец Атанасиј
и неговиот ученик Атанасиј
12 септември / 25 септември

Лоза плодовита подвижничка,
послушание спасоносно кое човека го очистува
и кон Господа Го приведува: Атанасие
чедо љубовно на Сергиј великиот,
кој облагодатен евангелски послужи на
овците словесни, и ученик негов, наследник на
престол игуменски – Атанасиј пастир ревносен
непоколеблив, кој славословие рашири
и на покајание мноштво научи.
Молете се за нас отци преподобни.

 
Извор МПЦ – ОА
Манастир свети Јован Претеча Слепче

Тропар на светиот
Христов свештеномаченик
Корнут епископ Икониски
12 септември / 25 септември

Неверието човечко не може да ја прими
благодатта Христова, ниту да ја поими
силата Негова во слабоста пројавена,
о, старче праведен Корнуте, кој маченички
за Бога страдајќи, остави примерен во верата
свет живот епископски на паствата,
од кого и ние денес поучувајќи се,
ги просиме твоите свети молитви пред Господа.



 
Извор МПЦ – ОА
Манастир свети Јован Претеча Слепче


Тропар на преподобниот отец
Данило Тасоски
12 септември / 25 септември

Исповедник на иконите, пастир на монасите,
соподвижник на Јоаникие великиот,
старче свети преподобен Данило,
како благодатен подвижник те позна пустината
и молитвеник на кого ние се надеваме,
кој стигна пред Господ на славата
во Небесната светла тишина.



 
Извор МПЦ – ОА
Манастир свети Јован Претеча Слепче

Тропар на светиот
Христов маченик
Јулијан презвитер Анкирски
и со него четириесет маченици
во Галатија
12 септември / 25 септември

Голема вера видовме во тебе при страдањата
твои, о, Јулијане, но величината твоја во Христа
само Он ја знае, исповедниче на вистината.
Напојувајќи се со балгодатните молитви твои,
кои ги просиме пред Седржителот,
за секоја мака и напаст:
„осана на Бога во висините“ повикуваме,
заедно со четириесетте гласови маченички,
кои тебе кон Христа те следеа и на кои
и ние чест и поклонение им воздаваме.
 
*се повикува и за одбрана од штетници


Извор МПЦ – ОА
Манастир свети Јован Претеча Слепче

Тропар на светите
Христови маченици
Македониј, Татијан и Теодул
12 септември / 25 септември

Огнот ја испита и очисти и последната
мака на падот Адамов, кога со радост поитавте
облагодатени кон него, за да биде испитана
верата и ревноста ваша во Господа,
о, Македоние, Татијане и Теодуле.
Се посрами заблудата на мачителот
и се зарадувавме ние и Ангелите на
силата Христова, пред Кого припаѓаме
просејќи ги молитвите ваши.

 
Извор МПЦ – ОА
Манастир свети Јован Претеча Слепче


Тропар на преподобниот отец
Васијан Тиксенски
12 септември / 25 септември

Велик аскета преподобен пустински,
кој и дух и тело смири пред Вечносмирениот
и благодат прими ревноста, до крај пред
ангелите и светиите да се изнесе,
оче свети Васијане, благодариме за поуките живи
и за молитвите горешти, пред Оној Кој
на Царство небесно те удостои.



 
Извор МПЦ – ОА
Манастир свети Јован Претеча Слепче


Тропар на светиот
Христов свештеномаченик
Теодор епископ Александриски
12 септември / 25 септември

Светло возходе на Небото, о Теодоре свети мачениче,
удостојувајќи се на земјата венец Христов да понесеш,
а на Небесата слава маченичка овенчана.
Радувај се и моли се за сите кои го празнуваат
чесниот спомен твој и Христа
Го прославуваат во вечни векови.



 
Извор МПЦ – ОА
Манастир свети Јован Претеча Слепче


Тропар на светиот праведен
Симеон Верхотурски
12 септември / 25 септември

Одбегнувајќи го световниот метеж,
сите желби на Бога ги предаде.
Неприклонувајќи се кон лукавството на срцето,
туку очистувајќи ги душата и телото,
си примил благодат да точиш исцеление
на верните и неверните кои притекнуваат
кон тебе, праведен Симеоне.
Затоа по дадениот ти дар испроси од Христа Бога,
исцеление за нас кои боледуваме од душевните страсти,
и моли се да се спасат душите наши.

 
Извор МПЦ – ОА

 

Извор МПЦ – ОА
Манастир Св. Јован Претеча Слепче

Од Верскиот календар на МПЦ (25.09.2020)

sv.J.Krstitel.otsecuv.jpg

ТРОПАР

Тропар (грч. τροπάριον, цсл. тропа́рь) е кратка црковна молитвена песна, настаната во доцниот стадиум на химнографијата. Тропарот ја содржи суштината на празникот за кој е напишан и во кој се прославува светителот; во Канонот, тропарот следи после ирмосот. Често се однесува и на апокалиптик (грч. απολυτίκιον), или отпустителна химна преку која се опишува главната тема на богослужењето на денот, а со која се завршува Вечерната богослужба.

Богородичен (теотокион) е посебен вид на тропар, кој е посветен на Пресвета Богородица. Помали варијации во Богородичниот водат кон Крстобогородичен (ставротеотокион), посебен вид на тропар посветен на страдањето на Пресвета при распнувањето на Христос на Крстот, и како таков најчесто се користи во среда и петок, денови кога Црквата се сеќава на чесниот Крст Господов.

Понекогаш тропарот се користи како рефрен помеѓу читање на стихирите.од Псалмите, иако примарната функција во тој случај ја имаат стихирите.

Тропарник се нарекува една засебна целина во книга со тропари и кондаци, за секој ден на Црковната литургиска година.

ПреминПортал

2020 лето Господово

 Од Верскиот календар:

 Свeштмч. Автoнoм. Вo врeмeтo на гoнeњeтo oд Диoклeцијан сe oддалeчил oд Италија вo Витинија Азијска, вo мeстoтo виканo Сoрeoс, и таму мнoгумина привeл вo христијанствoтo и им изградил црква на св. архангeл Михаил. Прeстoјувал вo куќата на eдeн дoбар христијанин Кoрнeлиј, кoгo Автoнoм гo пoсвeтил првo за прeзвитeр, а пoтoа и за eпискoп. Нeдалeку oд градoт Сoрeoс билo мeстoтo Лимна, насeлeнo самo сo нeзнабoжци. Св. Автoнoм oтишoл вo тoа мeстo и набргу прoсвeтил мнoгумина сo Eвангeлиeтo Христoвo. Тoа ги oзлoбилo нeзнабoжцитe, па тиe eдeн дeн нападналe вo црквата на св. архангeл Михаил вo Сoрeoс и на службата Бoжја гo убилe Автoнoма вo oлтарoт, и убилe мнoгу други христијани вo храмoт. Вo врeмeтo на царoт Кoнстантин на грoбoт на св. Автoнoм нeкoј царски гoлeмeц Сeвeријан пoдигнал храм. На 200 гoдини пoслe свoјата смрт, св. Автoнoм му сe јавил на eдeн вoјник, пo имe Јoван. Јoван ги oткoпал мoштитe на свeтитeлoт, наoѓајќи ги нeизгниeни. И мнoгумина бoлни дoбилe здравјe oд мoштитe на свeтитeлoт. Така Бoг гo прoславил oнoј кoј Нeгo Гo прoславувал дoдeка живeeл вo тeлoтo.

 

Светиот свештеномаченик Корнут, епископ Икониски

Родум од Никомидија од селото Салата. Беше веќе сосем стар кога настана гонењето во времето на Декиј и Валеријан. Некој мачител на христијаните Перениј дојде во Никомидија и почна да трага по христијани. Христијаните излегоа од градот и се сокрија, а нивниот престарен епископ не сакаше да се повлекува, туку сам лично отиде пред Перениј и се објави себеси како христијанин. Мачителот го врза и нареди да го влечат по градот, додека од него не истече многу крв. Својата света душа ја предаде на Бога под меч.

Светиот маченик Јулијан со четириесетмина другари

Сите пострадаа околу 300 година. Прво беа мачени, па убиени со меч. Пред својата смрт, Св. Јулијан Го молеше Бога вака: „На оние што ќе земаат од правот мој, подај им, Господи, простување на гревовите и стивнување на страстите. Нивните полиња нека не ги напаѓаат ни штетни птици, ни скакулци, ни гасеници, ни други смртоносители, а мојот дух прими го во мир.“

Преподобен Даниил од Тасос

Подвижник и основач на голем манастир. Современик на Св. Јоаникиј Велики. Бил присутен при посетата на Свети Јоаникиј на Тасос. Народот го молел прославениот Јоаникиј да ги ослободи од змиите. Светителот Му се помолил на Бога и змиите во огромен број јурнале во морето и се издавиле.

Светите маченици Македониј, Татијан и Теодул

Пострадаа за Христа во времето на Јулијан богоотстапникот, а во местото Мероса Фригиска. Беа луто мачени заради разорувањето на некоја идолска статуа. Ги печеа на железна леса сѐ додека не Му ги предадоа душите на Бога. Додека ги гореа на оган овие храбри мажи му се потсмеваа на мачителот: „Нема да пробаш од нашето месо како е испечено?“ И уште велеа, како славниот ѓакон Леонтиј: „Сврти нѐ на другата страна, зашто оваа веќе се испече!“ Гледајќи ги и слушајќи ги мачениците на огнот, нивниот мачител беше многу поисплашен и позбунет одошто тие.

 

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

Дек 09, 2019 Полезно и Потребно 1120
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1056
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Митрополит Струмички Наум:  Секташки дух (25.10.2020)

Митрополит Струмички Наум: Секташки дух (25.10.2020)

Секташкиот дух не го познава и признава покајанието. Тој дух во луѓето бара зло, вистинско или привидно, и на тоа се задржува. Се фаќа за еден збор, наместо за илјадници...

Беседа во спомен на Преподобен Теофил Струмички и Св. мч-ци Евлампиј и Евлампија

Беседа во спомен на Преподобен Теофил Струмички и Св. мч-ци Евлампиј и Евлампија

Нема ништо поблажено, возљубени, од тоа постојано да се предаваме на волјата Божја, постојано да живееме испитувајќи што навистина е според волјата Божја. Но тоа предавање и тоа испитување не...

Митрополит Струмички Наум: Куќа без темели (21.10.2020)

Митрополит Струмички Наум: Куќа без темели (21.10.2020)

   Така е кога човек има световно знаење, но нема духовно знаење. Тој може да има знаење и вештини од разни области како бизнис, економија, политика, што јас знам, градежништво,...

 Митрополит Струмички Наум: Секташко однесување во Црквата (17.10.2020)

Митрополит Струмички Наум: Секташко однесување во Црквата (17.10.2020)

 Богочовекот Исус Христос е единствената Глава на Црквата. Епископот на локалната Црква е икона Христова, седи на место Христово и претставува обличје Негово. Тој не е Самиот Христос, туку е...

Митрополит Струмички Наум: За самооправдувањето (11.10.2020)

Митрополит Струмички Наум: За самооправдувањето (11.10.2020)

Самооправдувањето е болест која е пораширена, понезабележлива и потешка од судењето и осудувањето. Самооправдувањето и осудувањето се две страни на една гревовна состојба – гордоста.Пораширена – затоа што, најчесто, дури...

  Јане Илиев: СЕДУМНАЕСЕТТА НЕДЕЛА ПО ПЕДЕСЕТНИЦА

Јане Илиев: СЕДУМНАЕСЕТТА НЕДЕЛА ПО ПЕДЕСЕТНИЦА

 Современиот човек брза по светските суети, бега од скромниот живот и во празните и лажни авантури бара да ја заборави душевната горчина, која му ја создава свеста за безбожните дела....

Стефан, Архиепископ Охридски и Македонски: БЕСЕДА

Стефан, Архиепископ Охридски и Македонски: БЕСЕДА

 Траат светиите, зашто е вечен Изворот на нивната светост! Зар ќе ја спомнувавме првопокрстената Лидија или Светите Ахилеј Лариски, Еразмо Охридски, Петанесетте Тивериополски свештеномаченици, рамно¬апостолните Кирил и Методиј и нивните...

Митрополит Струмички Наум:  За судењето и осудувањето на другите (03.10.2020)

Митрополит Струмички Наум: За судењето и осудувањето на другите (03.10.2020)

Да те прашам, човеку, зошто ти е помило да му судиш и да го осудуваш некого врз основа на озборување, кога веќе ти се достапни и познати неговите дела и...

СВЕТА СОФИЈА И НЕЈЗИНИТЕ ЌЕРКИ,МАЧЕНИЧКИТЕ ВЕРА, НАДЕЖ И ЉУБОВ

СВЕТА СОФИЈА И НЕЈЗИНИТЕ ЌЕРКИ,МАЧЕНИЧКИТЕ ВЕРА, НАДЕЖ И ЉУБОВ

Откако сите четири бестрашни маченички биле изведени пред царот, смирено и одлучно ја исповедале верата во Христа Господа и одбиле да принесат жртва пред идолската божица Артемида. Пред страдањата, Софија...

« »