логоFacebookTwitterYouTubeeMail

 ТРОПАРИ НА СВЕТИТЕЛИТЕ И ПРАЗНИЦИТЕ 

Тропар на светиот Христов
маченик Мамант
2 септември / 15 септември



Блажен си ти Маманте кој тргна по патот Господов,
ѕверовите природни ги скроти, а се засолна од луѓе ѕверолики,
природата се поврати во служба на човека,
бесовите ги напуштаа оние кои кон тебе прибегнуваа,
а со покој маченички Христа го прослави.
Радувај се мачениче кој пред Бога за нас молитви вознесуваш,
и победата Христова во векови ја возвестуваш.

Извор МПЦ – ОА
Манастир свети Јован Претеча Слепче

 

Тропар на светите Христови
три илјади шестотини и осумнаесет
маченици во Никомидија
2 септември / 15 септември

Покајанието ваше свето, стигна пред
Царот на Славата и Он ги прими молитвите
кои ги предаде да послужат за спасение на многумина,
а вас ве удостои пример да бидете
во Црквата Негова, покажувајќи дека е
Лекар на болните и Спасител на душите наши.
 
Извор МПЦ – ОА
Манастир свети Јован Претеча Слепче




Тропар на светите
Христови маченици
Аитал и Амон
2 септември / 15 септември

Љубовта ви беше подадена, заради исповедништвото
ваше на зборовите Спасителеви, со кои
телата ги предадовте на дробење,
заради Царството Небесно и пример ревносен
постанавте за многумина, кои земајќи го крстот свој
по Христа тргнаа о, Аитале и Амоне,
молете се за нас пред Подвигополжникот нашиот Бог.



 
Извор МПЦ – ОА
Манастир свети Јован Претеча Слепче


Тропар на светиот
Божји првосвештеник
Елеазар и синот негов Финес
2 септември / 15 септември

Аронов сине Елеазаре, првосвештениче Господов,
Мојсеева рака свештеничка и Исусова силна мишка,
и ти Финесе кој Бога Го смилува,
ревност праведникова покажа,
и завет на свештенство измоли од Седржителот.
Молете се за родот човечки,
достојнославни  верни во Господа.

 
Извор МПЦ – ОА
Манастир свети Јован Претеча Слепче



Тропар на светиот отец
Јован Постник
патријарх Константинополски
2 септември / 15 септември

Со пост и молитва се оддалечи од
служење на телото, блажен Јоване,
и смирувајќи ги со благодатта страстите,
сонот го победи – пастиру на овците словесни,
затоа Господ те постави да бдееш над стадото Негово,
помагајќи ти во сѐ и услишувајќи ги твоите
свети молитви, на кои и ние денес се надеваме,
славејќи Го Господа и повикувајќи те
тебе пред престолот Божји.

 

 

  Извор МПЦ – ОА
Манастир Св. Јован Претеча Слепче

Од Верскиот календар на МПЦ (15.09.2020)

ТРОПАР

Тропар (грч. τροπάριον, цсл. тропа́рь) е кратка црковна молитвена песна, настаната во доцниот стадиум на химнографијата. Тропарот ја содржи суштината на празникот за кој е напишан и во кој се прославува светителот; во Канонот, тропарот следи после ирмосот. Често се однесува и на апокалиптик (грч. απολυτίκιον), или отпустителна химна преку која се опишува главната тема на богослужењето на денот, а со која се завршува Вечерната богослужба.

Богородичен (теотокион) е посебен вид на тропар, кој е посветен на Пресвета Богородица. Помали варијации во Богородичниот водат кон Крстобогородичен (ставротеотокион), посебен вид на тропар посветен на страдањето на Пресвета при распнувањето на Христос на Крстот, и како таков најчесто се користи во среда и петок, денови кога Црквата се сеќава на чесниот Крст Господов.

Понекогаш тропарот се користи како рефрен помеѓу читање на стихирите.од Псалмите, иако примарната функција во тој случај ја имаат стихирите.

Тропарник се нарекува една засебна целина во книга со тропари и кондаци, за секој ден на Црковната литургиска година.

ПреминПортал

2020 лето Господово

 Од Верскиот календар:

sv.J.Krstitel.otsecuv.jpg

Св. мч. Мамант. Рoдум oд Пафлагoнија, oд пoзнати христијански рoдитeли Тeoдoт и Руфина. Нeгoвитe рoдитeли билe фрлeни вo затвoр за Христoвoтo имe. Вo затвoрoт првo му умрeл таткoтo; а мајка му oткакo гo рoдила нeгo и самата гo завршила живoтoт на зeмјата. Така нoвoрoдeниoт младeнeц oстанал вo тeмницата пoмeѓу мртвитe тeла на свoитe рoдитeли. Нo Бoг, Прoмислитeлoт ѝ испратил Свoј ангeл на нeкoја благoрoдна вдoвица Ама, на кoја на сoн ѝ сe јавил и ѝ рeкoл да oди вo затвoрoт и да гo зeмe дeтeтo кај сeбe. Таа измoлила oд градoначалникoт дoзвoла да ги пoгрeбe умрeнитe, а дeтeтo да гo зeмe вo свoјата куќа. Дури кoга дeтeтo напoлнилo 5 гoдини пoчналo да збoрува, а прв збoр му бил: “мама!” пoради штo и гo дoбил имeтo Мамант. Вo училиштeтo Мамант пoкажал нeoбична бистрина, а бидeјќи oд дoма бил вoспитан вo христијански дух, тoј нe ја криeл свoјата вeра, туку ја испoвeдал прeд свoитe врсници, исмeвајќи ги идoлитe. Вo врeмeтo на царoт Аврeлијан ималo жeстoкo гoнeњe на христијанитe. Нeзнабoжцитe нe ги штeдeлe ни христијанскитe дeца. Мамант имал 15 гoдини кoга бил извeдeн прeд царoт. Царoт му рeкoл барeм сo устата да сe oдрeчe oд Христа, на штo Мамант му oдгoвoрил: “Ни сo срцeтo ни сo устата нeма да сe oдрeчам oд Бoга и Царoт мoј Исуса Христа”. Царoт нарeдил да гo тeпаат, сo свeќи гo гoрeлe и најпoслe гo фрлилe вo мoрeтo. Нo ангeл Бoжји гo спасил и гo oдвeл на висoка гoра, близу дo Кeсарија. Тука тoј живeeл вo самoтија и вo мoлитва. Oд нeгoвата свeтoст дивитe ѕвeрoви сe питoмeлe. Најпoслe и тука бил прoнајдeн oд гoнитeлитe и пoвтoрнo бил ставeн на маки. Пoбeдувајќи ја и силата на oгнoт и на дивитe ѕвeрoви, Мамант бил прoбoдeн сo трoзабeц oд нeкoј идoлски жрeц. И така ја прeдал свoјата свeта душа на Бoга, на Кoгo Му oстанал вeрeн вo ситe маки. Oд нeгoвитe мoшти сe случилe мнoгу исцeлeнија на бoлнитe.

 

Свети Јован Постник, патријарх Цариградски    

Се празнува и на 30 август. Најпрво беше златар, па по Божја Промисла, а заради својата голема добродетелност беше посветен за свештеник. Како млад Свети Јован еднаш одеше со некој стар монах, Евсевиј, од Палестина. Одеднаш му дојде глас на Евсевиј од некого невидлив: „Авво, не оди од десната страна на великиот Јован!“ Вака гласот Божји ја навестуваше велката служба на којашто Јован наскоро требаше да биде повикан. После блажениот Евтихиј, Јован беше избран за патријарх Цариградски. Никако не сакаше да прими, но беше застрашен од некое небесно видение, па затоа прими. До својата смрт беше испосник, молитвеник и чудотворец. Се упокои во 595 година. По неговата смрт како единствена сопственост кај него најдоа една дрвена лажица, една ленена кошула и една стара облека. Прочуени се неговите списи за покајанието и за исповедта.

Празник на чудото на Пресвета Богородица на иконата Калужска

Во 1748 година во куќата на еден бојарин во близина на градот Калуга во Русија две слугинки пронајдоа икона на која беше изобразен прекрасен женски лик украсен со светост. Една од слугинките ја нарече светата икона игуманија, а другата подбивајќи се плукна врз иконата и во истиот час падна и се запени соборена од нечист дух. Ноќе на нејзините родители им се јави Пресвета Богородица и им јави дека Таа Самата е изобразена на иконата, а за исцеление на нивната ќерка им посоветува да повикаат свештеник и тој да ѝ прочита молитва и да ја ороси со Света водичка. По исцелувањето, нивната ќерка Евдокија се подобри во карактерот.

Свети Елеазар    

Син на Арон, втор по ред Израелски првосвештеник. Помошник на Мојсеј при пребројувањето на Израилскиот народ и помошник на Исус Навин при поделбата на земјата ветена на дванаесетте колена. Верно го чуваше ковчегот на заветот во Силом. Се упокои мирно.

 

 

 

 

 

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

Дек 09, 2019 Полезно и Потребно 1118
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1055
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Беседа во спомен на Преподобен Теофил Струмички и Св. мч-ци Евлампиј и Евлампија

Беседа во спомен на Преподобен Теофил Струмички и Св. мч-ци Евлампиј и Евлампија

Нема ништо поблажено, возљубени, од тоа постојано да се предаваме на волјата Божја, постојано да живееме испитувајќи што навистина е според волјата Божја. Но тоа предавање и тоа испитување не...

 Митрополит Струмички Наум: Куќа без темели (21.10.2020)

Митрополит Струмички Наум: Куќа без темели (21.10.2020)

   Така е кога човек има световно знаење, но нема духовно знаење. Тој може да има знаење и вештини од разни области како бизнис, економија, политика, што јас знам, градежништво,...

 Митрополит Струмички Наум: Секташко однесување во Црквата (17.10.2020)

Митрополит Струмички Наум: Секташко однесување во Црквата (17.10.2020)

 Богочовекот Исус Христос е единствената Глава на Црквата. Епископот на локалната Црква е икона Христова, седи на место Христово и претставува обличје Негово. Тој не е Самиот Христос, туку е...

Митрополит Струмички Наум: За самооправдувањето (11.10.2020)

Митрополит Струмички Наум: За самооправдувањето (11.10.2020)

Самооправдувањето е болест која е пораширена, понезабележлива и потешка од судењето и осудувањето. Самооправдувањето и осудувањето се две страни на една гревовна состојба – гордоста.Пораширена – затоа што, најчесто, дури...

  Јане Илиев: СЕДУМНАЕСЕТТА НЕДЕЛА ПО ПЕДЕСЕТНИЦА

Јане Илиев: СЕДУМНАЕСЕТТА НЕДЕЛА ПО ПЕДЕСЕТНИЦА

 Современиот човек брза по светските суети, бега од скромниот живот и во празните и лажни авантури бара да ја заборави душевната горчина, која му ја создава свеста за безбожните дела....

Стефан, Архиепископ Охридски и Македонски: БЕСЕДА

Стефан, Архиепископ Охридски и Македонски: БЕСЕДА

 Траат светиите, зашто е вечен Изворот на нивната светост! Зар ќе ја спомнувавме првопокрстената Лидија или Светите Ахилеј Лариски, Еразмо Охридски, Петанесетте Тивериополски свештеномаченици, рамно¬апостолните Кирил и Методиј и нивните...

Митрополит Струмички Наум:  За судењето и осудувањето на другите (03.10.2020)

Митрополит Струмички Наум: За судењето и осудувањето на другите (03.10.2020)

Да те прашам, човеку, зошто ти е помило да му судиш и да го осудуваш некого врз основа на озборување, кога веќе ти се достапни и познати неговите дела и...

СВЕТА СОФИЈА И НЕЈЗИНИТЕ ЌЕРКИ,МАЧЕНИЧКИТЕ ВЕРА, НАДЕЖ И ЉУБОВ

СВЕТА СОФИЈА И НЕЈЗИНИТЕ ЌЕРКИ,МАЧЕНИЧКИТЕ ВЕРА, НАДЕЖ И ЉУБОВ

Откако сите четири бестрашни маченички биле изведени пред царот, смирено и одлучно ја исповедале верата во Христа Господа и одбиле да принесат жртва пред идолската божица Артемида. Пред страдањата, Софија...

Отец Александар Шмеман: Воздвижение на Чесниот Крст

Отец Александар Шмеман: Воздвижение на Чесниот Крст

Тоа бил празникот на христијанското царство, кое се родило под закрилата на Крстот, во денот кога царот Константин го видел Крстот над кој пишувало:: „Со ова ќе победиш…” Тоа е...

« »