логоFacebookTwitterYouTubeeMail

ТРОПАРИ НА СВЕТИТЕЛИТЕ И ПРАЗНИЦИТЕ  

Тропар на светиот
Божји пророк Езекил
21 јули / 3 август

Свет е нашиот Бог,
да се исполни целото небо и земја со Неговата слава,
повикуваше о ти Езекиле Божји помазаниче и пророче,
мачениче и исповедниче на вистинската служба,
биди совест на пастирите во црквата Христова,
по твоите молитви да не отсапиме од Вистината која спасува.

Извор МПЦ – ОА
Манастир свети Јован Претеча Слепче

 

Тропар на светиот епископ
Партениј близу Арта во Епир
21 јули / 3 август

Благоуханието на твојата душа света,
ги поттикна на вера спасоносна,
сите кои го чествуваат светиот спомен твој,
о Партение епископе Христов,
и Господ денес и во веки ги прима молитвите твои,
заради чистотата на животот земен,
кој Нему Му го посвети.
Радувај се и за нас моли се верен слуго Божји.

 
Извор МПЦ – ОА
Манастир свети Јован Претеча Слепче



Тропар на преподобните отци
Симеон поради Христа јуродив
и неговиот сотрудник Јован
21 јули / 3 август

По дух браќа како носители на бестелесноста,
едниот душа излечена, другиот срце очистено,
мудроста под наметката на лудоста скриена,
висини освои невидени и со ангелски
пој во раце Христови долета,
а венецот на трпението пустинско,
круна на глава излеа, о преподобни Симеоне и Јоване,
молете се за нас пред Владиката, вие кои во Христа едно сте.

 


Извор МПЦ – ОА
Манастир св. Јован Претеча Слепче

 

 Од Верскиот календар на МПЦ (03.08.2021)

 

ТРОПАР

Тропар (грч. τροπάριον, цсл. тропа́рь) е кратка црковна молитвена песна, настаната во доцниот стадиум на химнографијата. Тропарот ја содржи суштината на празникот за кој е напишан и во кој се прославува светителот; во Канонот, тропарот следи после ирмосот. Често се однесува и на апокалиптик (грч. απολυτίκιον), или отпустителна химна преку која се опишува главната тема на богослужењето на денот, а со која се завршува Вечерната богослужба.

Богородичен (теотокион) е посебен вид на тропар, кој е посветен на Пресвета Богородица. Помали варијации во Богородичниот водат кон Крстобогородичен (ставротеотокион), посебен вид на тропар посветен на страдањето на Пресвета при распнувањето на Христос на Крстот, и како таков најчесто се користи во среда и петок, денови кога Црквата се сеќава на чесниот Крст Господов.

Понекогаш тропарот се користи како рефрен помеѓу читање на стихирите.од Псалмите, иако примарната функција во тој случај ја имаат стихирите.

Тропарник се нарекува една засебна целина во книга со тропари и кондаци, за секој ден на Црковната литургиска година.

ПреминПортал

2021 лето Господово

 Од Верскиот календар:

Prorok.Ezekil.jpg

1. Св. прoрoк Јeзeкиил. Син на свeштeник, oд градoт Сарир. Бил oдвeдeн вo рoпствo вo Вавилoн заeднo сo царoт Јeхoниј и сo мнoгу други Израилци. Јeзeкиил, живeeјќи вo рoпствo, прoрoкувал цeли 27 гoдини. Бил сoврeмeник на прoрoкoт Eрeмија. И дoдeка Eрeмија учeл и прoрoкувал вo Eрусалим, Јeзeкиил учeл и прoрoкувал вo Вавилoн. Прoрoштвата на Eрeмија билe дoзнавани вo Вавилoн, а прoрoштвата на Јeзeкиил билe дoзнавани вo Eрусалим. И двајцата свeти мажи eдeн сo друг сe сoгласувалe сo свoитe прoрoштва. И двајцата билe oзлoбувани и мачeни oд нeвeрниoт eврeјски рoд. Страшни и нeчуeни видeнија имал св. Јeзeкиил. При рeката Хoвар гo видeл нeбoтo oтвoрeнo; и oган и блeскањe, и чeтири живoтни какo растoпeн бакар. Eднoтo живoтнo ималo чoвeчки лик, другoтo лавoвски, трeтoтo тeлeшки, чeтвртoтo oрлoвски. Лицeтo чoвeчкo Гo oзначува Гoспoда вoплoтeниoт какo чoвeк, лицeтo лавoвскo Нeгoвoтo Бoжeствo, лицeтo тeлeшкo Нeгoвата жртва, лицeтo oрлoвскo Нeгoвoтo вoскрeсeниe и вoзнeсeниe. Вo друга прилика му сe пoкажала сликата на вoскрeсeниeтo на мртвитe. Имeнo, прoрoкoт видeл дoлина пoлна сo мртoвeчки суви кoски и кoга духoт Бoжји слeгoл врз нив, ситe мртoвци oживeалe и застаналe на свoитe нoзe. Уштe ја видeл најстрашната прoпаст на Eрусалим кoга гнeвoт Бoжји ги пoкoсил ситe, oсвeн oниe кoи oд пoранo билe oбeлeжани сo грчкиoт знак Тав, а тoј знак e какo нашата буква Т, штo пак e знак на крстoт. Злoбата eврeјска нe гo пoштeдила ни oвoј свeт маж. Oгoрчeни билe на нeгo затoа штo ги изoбличувал, Eврeитe гo врзалe за oпашкитe на кoњитe и гo растргналe. Бил пoгрeбан вo истата грoбница кадe и Сим, синoт на Нoe.

Prorok.Ezekil.jpg


Преподобните Симеон и Јован

Како млади луѓе ги оставија домот и татковината. Симеон остави стара мајка, а Јован млада сопруга. Во обителта на Свети Герасим примија монаштво од игуменот Никон и се оддалечија во пустината, каде што во најтешки подвизи поживеаја многу години. Телата си ги умртвија во мнгоубројни подвизи и беа како две суви дрва. Еден ден Симеон му рече на Јован: „Чувај го своето срце од сѐ што ќе видиш во светот. До што ќе се допре твојата рака нека не се допира срцето твое. Кога ќе јаде устата, срцето нека не се насладува. Кога ќе одат нозете, внатре во тебе да биде мир. И што и да правиш однадвор, твојот ум нека пребива невознемирен. Моли Го Бога за мене, да не нѐ разлачи Бог еден од друг во идниот живот“. Свети Симеон го прими советот на својот другар, го целива и потоа ја напушти пустината и појде како јуродив да ги научи луѓето и да ги обрати кон верата Христова. Пред луѓето се правеше луд, срцето му беше храм на Светиот Дух, а во тој храм непрестајната молитва. Имаше изобилна благодат Божја, па проѕираше во сите човечки тајни во близина и надалеку, ги исцелуваше луѓето од злите духови и од други беди. Играјќи по улиците како луд, им приоѓаше на луѓето и им шепотеше за нивните гревови на уво и ги повикуваше на покајание. Дури и на сон им се јавуваше на грешници, ги укоруваше за гревовите и ги повикуваше на покајание. Така на некој незнабожечки глумец Балиј, којшто јавно ги исмеваше христијанските светости, Свети Симеон му се јави во сон и го искара и му се закани, та овој се покаја и стана добар христијанин. Некој блуден младич се симнал од умот преку блудот. Свети Симеон го виде како лудува и го удри со раката по образ, велејќи му: „Не врши прељуба!“ Во тој миг нечистиот дух излезе од младичот, а младичот стана здрав.

 

 

 



Видео содржини

Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 2667
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 1820
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Беседи

Митрополит Струмички Наум:   Сето тоа... не сум го запазил од младини (11.09.2021)

Митрополит Струмички Наум: Сето тоа... не сум го запазил од младини (11.09.2021)

Страстите се тие што го држат срцето заробено и затворено за умно-срдечната молитва, а умот непросветлен. Страстите и демоните, кои секогаш се поврзани со нив, се тие што ги држат...

Митрополит Струмички Наум: Што не е јасно? (04.09.2021)

Митрополит Струмички Наум: Што не е јасно? (04.09.2021)

Никогаш не треба да губиме предвид колкави должници сме Му на Бог; и поради сите дарови што постојано ги добиваме од Него и поради сите гревови со кои Му возвраќаме...

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово

Св. Јован Кронштатски - Слово на денот на Успение на Пресвета Богородица

Св. Јован Кронштатски - Слово на денот на Успение на Пресвета Богородица

И колку славно било Нејзиното успение! Со каква светлина сјаело Нејзиното пречисто лице. Колку прекрасно, неописливо, неспоресливо благоухание извирало од нејзиното пречисто, приснодевствено тело, како што пишува св. Дионисиј Ареопагит,...

Свети Лука (Војно- Јасеницки): СЛОВО ЗА УСПЕНИЕТО НА ПРЕСВЕТА БОГОРОДИЦА

Свети Лука (Војно- Јасеницки): СЛОВО ЗА УСПЕНИЕТО НА ПРЕСВЕТА БОГОРОДИЦА

Многу е важно правилно да разбереме и да ги запомниме зборовите на тропарот на великиот празник на Успението на Пресвета Богородица: „... По Успението не си го оставила светот, Богородице...’’.Нејзината...

о.Зоран Пецовски: ПРЕОБРАЖЕНИЕ  ХРИСТОВО

о.Зоран Пецовски: ПРЕОБРАЖЕНИЕ ХРИСТОВО

Кој им дава поткрепа во нивните неуморни подвизи; добро и убаво им било на сите светители, зашто за сите нив не постоел ниту еден друг идеал кој  би бил  достоен...

   Свештеник Јане Илиев: СЕДМА НЕДЕЛА ПО ПЕДЕСЕТНИЦА

Свештеник Јане Илиев: СЕДМА НЕДЕЛА ПО ПЕДЕСЕТНИЦА

Секое појавување на Спасителот Господ Исус Христос меѓу народот претставувало поттик околу Него и Неговите ученици да се собере многу народ. Некои од нив доаѓале заради љубопитност, некои од мака,...

Митрополит Струмички Наум: Разлика помеѓу Божјо и демонско чудо (21.08.2021 )

Митрополит Струмички Наум: Разлика помеѓу Божјо и демонско чудо (21.08.2021 )

Прашањето што се поставува сега е: дали имаше основа за чудо и во случајов на Апостол Петар? Дали тој дава нешто што не е достаточно и за самиот него, т.е....

Митрополит Струмички Наум: Давање и кога се нема доволно за себе – основа за Божјо чудо (14.08.2021)

Митрополит Струмички Наум: Давање и кога се нема доволно за себе – основа за Божјо чудо (14.08.2021)

    Во нашиот живот е важно да имаме волја за добро дело – во слава Божја и од љубов кон ближниот, останатото е Божја работа. Апостолите ја гледаат потребата...

« »