логоFacebookTwitterYouTubeeMail



 


   Ние ги пазиме, без воведување новини, сите запишани или незапишани, востановени за нас црковни преданија, од кои едно е и за иконописот. Тоа е согласно со проповедта на евангелската историја и служи за уверување во вистинското, а не вообразено воплотување на Бога Словото и за други слични ползи. Зошто кога едни нешта се прикажуваат низ други, тие несомнено едно низ друго се појаснуваат. Така ние, чекорејќи по царскиот пат и следејќи го од Бога објавеното учење на светите отци наши и преданието на вселенската Црква [свесни дека е од Светиот Дух, кој живее во неа], по грижливо испитување, со полна увереност определуваме: чесните и свети икони, насликани со бои или направени од ситни камчиња и од друг погоден материјал, да се поставуваат како и претставите и изображенијата на чесниот и животворен Крст во светите Божји цркви, на свештените садови и одежди, на камен и на даски, в куќи и по патишта – како иконите на Господ, Бог и Спасител наш Исус Христос, и на непорочната Владичица наша Пресвета Богородица, така и на сите свети и преподобни мажи. 

    Зошто колку почесто тие биваат гледани изобразувани на иконите, толку повеќе оние кои ги гледаат, биваат поттикнати да си спомнат со љубов на првообразите, да ги почитуваат со бакнување и поклонување – не со вистинско богопоклонение, кое според нашата вера му прилега само на Божественото естество, но почитување како она, со кое се оддава чест на претставите и изображенијата на чесниот и животворен Крст, на светото Евангелие и на други светињи, преку кадење темјан и поставување свеќи – благочестив обичај што го имало и кај древните. Затоа што честа оддадена на образот, преминува врз првообразот, и кој се поклонува на иконата, се поклонува на суштината на изобразениот на неа. Така се потврдува учењето на вселенската Црква, која до краиштата на земјата го примила Евангелието.

  

Преземено од Православие БГ

Превел: Борис Георгиевски

 


Поуки од Светите Отци

dobrotoljubie

Наука и Култура

Октомври 23, 2021
3.to.Naoganje.glava.sv.Jovan.Krstitel

Поезија од Стефан Марковски застапена во меѓународна антологија на шпански јазик

„Преминот на поетските гласови бара прекугранични и меѓугенерациски средби и точки на дијалог. Тематските определби на песните почиваат врз различните емоционални, општествени, политички и интерперсонални набои на авторите; човечкото дистанцирање и поезијата…
Септември 28, 2021
3.to.Naoganje.glava.sv.Jovan.Krstitel

Познат научник тврди дека Бог постои

Според него, оваа теорија би можела да го докаже постоењето на Бог. Изјавите ги разгориле дебатите околу оваа тематика меѓу научниците токму затоа што Каку се смета за еден од најважните научници на 21 век. Тој е еден од креаторите на револуционерната Теорија…