логоFacebookTwitterYouTubeeMail

TVITER59

Недела на света Марија Египетска (17.04.2021 16:00)

„И кога ги повика повторно дванаесетте, почна да им зборува за она што ќе се случи со Него. Ете, се искачуваме кон Ерусалим и Синот Човечки ќе биде предаден на првосвештениците и книжниците, и ќе Го осудат на смрт и ќе Го предадат на незнабошците. И ќе Го исмеат, и ќе Го бијат, и ќе Го плукаат, и ќе Го убијат, и на третиот ден ќе воскресне“ (Марко 10, 32–34).

Христос нѐ потсетува сите дека нашето Царство не е од овој свет и дека во овој живот нѐ очекуваат и страдања. Со оваа вистина треба да сме начисто и да не се лажеме самите себе со некакво „земно царство“. Секако, страдањата прифатени со смирение и благодарност кон Бог ќе ни ги донесат и утехата на Светиот Дух и предвкусот на Царството Небесно, уште сега и овде.

„Тогаш пристапија кон Него Заведеевите синови, Јаков и Јован, и рекоа: ’Учителе, сакаме да ни направиш она што ќе побараме‘. Он ги праша: ’Што сакате да ви направам?‘ А тие Му одговорија: ’Дај ни да седнеме до Тебе, едниот оддесно, а другиот одлево, во славата Твоја‘. Но Он им рече: ’Не знаете што барате‘“ (Марко 10, 35–38).

Навистина не знае што бара некој што превидува дека ако неговото барање се оствари, треба да седне пред Божјата Мајка и Божјиот Крстител.

И, што гледаме ние, денес, на храмовиот иконостас – иконата на Царството Небесно: кој седи од десната и од левата страна Христова? Не седи ниту апостол – па бил тој Петар или Павле, ниту некој свет архиереј, односно не седи претставник на видливото свештенство; не седи никој друг, туку првите и совршени носители на внатрешното, новозаветно, есхатолошко (вечно) и царско свештенство – Пресвета Богородица и Секогашдева Марија и свети Јован Крстител.

Само преку постоечките носители на ова свештенство во Црквата, а преку нив и во светот, сега и во целата неговата историја, дејствува единствената непрестајна Литургија –  односно Очевиот Домострој на нашето спасение, преку Синот во Светиот Дух Господ.

„Да се седи од Мојата десна или лева страна, тоа не зависи од Мене; таму ќе седнат оние за кои е приготвено од Мојот Отец“ (Матеј 20, 23). Значи, тоа не зависи ниту од Бог, туку од самите тие што ќе го остварат, слободно и љубовно, од Бог поставениот критериум за единство и заедница со Него; од тие што ќе Го љубат умно-срдечно – со цело свое срце, со цел свој разум и со сите свои сили; од тие со непрестајна молитва на умот во срцето.

Господ ни дава можност за градење совршен личносен однос со Него; но, односот зависи од тоа кој колку сака да се отвори пред Бог и кој колку сака да се даде. Со други зборови, само од нас зависи каков однос сакаме да градиме: дали синовски, наемнички или робовски. Нема  предодреденост и не важат овде овоземните протекциски правила – за тоа кој ќе биде пред кого.

Во овој подвиг не смееме да очајуваме. И најголемиот грешник има можност да се покае и да го исправи и освети својот живот; и да добие битно место пред Господ. Тоа ни го покажува животот и љубовниот подвиг на света Марија Египетска, чиј спомен оваа недела го чествуваме.

„Десетте, пак, штом го чуја тоа, негодуваа против Јаков и Јован.“ Јасно ни е на сите дека и барањето и негодувањето се дел од истата борба – за световна слава.

Богочовекот Исус Христос ни го покажува вистинскиот и единствениот пат кон славата на Царството Небесно: „Знаете дека оние што се сметаат кнезови народни, господарат над нив, и управниците управуваат над нив. Но меѓу вас нека не биде така; а кој меѓу вас сака да биде поголем, нека ви биде слуга; и кој сака меѓу вас да биде прв, нека ви биде роб на сите. Зашто и Синот Човечки не дојде за да Му служат, но да послужи и да ја даде душата Своја за откуп на мнозина“ (Марко 10, 42–45). И тука нема што да се толкува.

Пресвета Богородице, по молитвите на света Марија Египетска, спаси нè!

Митрополит Струмички Наум

 

 

 

 



Видео содржини

Поуки од Светите Отци

dobrotoljubie

Духовност

Ноември 10, 2020

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна Морача. Завршил Богословија во Белград, а на Богословскиот факултет на СПЦ, во Белград, дипломирал во 1962 година. Покрај теолошките науки, студирал и класична…
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 1528
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 1919
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1719
7.Vselenski.sobor
Премногу размислуваме во категоријата Бог – човек, наместо во категоријата личносни…