логоFacebookTwitterYouTubeeMail

Сега кога вашите деца се сеуште мали, должни сте да им помогнете да разберат што е добро. Тоа  и е најдлабоката смисла на животот.
Старец Пајсиј Светогорец е еден од најзначајните и најважните светогорски старци од 20-от век, православен христијански монах кој во изминатите децении стана еден од најсветите личности во Грција.

 Канонизиран е од страна на Вселенската патријаршија на 13. Јануари 2015 година, а голем број на православни во Грција, Русија и Србија го сметаа отец Пајсиј свет уште додека не беше официјално канонизиран.

„Децата не се виновни. Денес ги држат затворени во станови и немаат простор да трчат, да се играат. Децата се присилени да бидат немирни. Не можат да се движат, да се испразнат. Децата за да се развиваат природно, потребен им е двор. Ако влезам во некој стан со деца и видам дека тука сé е до совршенство  средено, знај дека тоа не е добро.Тука децата живеат под војничка дисциплина и така влегува страв во нивните  души.’’

„Не плашете се за децата кои од мали се израснати во почитување. И малку да се оддалечат од патот, заради својата возраст, заради искушенија, ќе се вратат на правиот пат. Тие се како дрвенарија која сме ја премачкале со масло, па на неа не се фаќа гнилеж.’’

„Треба да ги научите своите деца да се калат од најмали нозе, да работат, да бидат мажествени. И момчињата и девојчињата. И девојчињата треба да бидат племенити, да бидат храбри. Треба да извршуваат домашни работи од мали, зашто повеќето од родителите ги размазуваат своите деца, па подоцна во животот стануваат несреќни.’’

„Добар учител е голема работа, особено во нашето  време! Децата се празни касети: на нив ќе се снимат или безвредни песни (шунд), или византиска музика. Работата на учителот е света работа.’’

„ Младо дрво се врзува лабаво со коноп, а не со жица, зашто со жица се повредува кората на младото дрво, па тоа венее и се суши. Младото битие треба да се стегне со благонаклоност.

Младо момче   преполно со живост и егоизам не треба да се смирува одеднаш, затоа што пушта млади никулци, баш како и младо дрво со многу сокови.’’

„ Децата уште во колевка ги ’’снимаат ’’ родителите. „Копираат’’ сé што прават  возрасните и бележат  на својата празна касета. Затоа родителите мораат да ги отсечат своите страсти.’’
„Денес не гледаат децата да ги исполнат со нешто, туку ги оставаат празни. Во фамилијата, денес, еден родител гледа на една страна, а друг на друга, и како детето ќе најде љубов под такви околности. Треба најпрво да се има грижа децата да се исполнат со некои добри содржини, а образованието доаѓа после тоа.’’


„Денес во цивилизацијата се случи еден голем скок, родителите не ги разбираат децата, а децата пак родителите. Би требало секој да се постави на местото на оној другиот и така би се разбрале.


Не се децата виновни.


Ги бомбардираат од сите страни со разни теории: ова е правилно, а она не е итн. Така децата, на крај, не знаат што да мислат.
Треба да се врзат децата, но внимателно, нежно. Еве, јас моите домати ги врзав со коноп, да ги врзев со жица што би се случило? Зар не би ги повредил?’’
„Верувам дека детето  кое тргнало по погрешен пат, суровите методи ќе го направат уште полош. Зборувајте  со него за доброто и на добар начин и не дозволувајте да забележи колку ве разжалостува што оди по таков пат.


Нека се покажат делата и само делата, зашто ни радоста ни страдањето  нема да останат неприметени. Вие исполнете ја својата обврска и посоветувајте го, а потоа своето дете поверете го на Бог.’’


„Колку што можете, потрудете се детето да не го оттурнете од себе, како што веќе ви реков, зашто тоа може да ги раскине врските и да избега од фамилијата. Потоа може да се случи поради егоизам нема да сака да Ви се приближи и Вие сосема ќе го згубите.’’


„Родителите понекогаш од прекумерна љубов им прават зло на децата. Ги гушат со претерано внимание. Тоа е болна работа. Гледаш, и љубовта сака некоја кочница, некоја мерка.’’


„Старче, треба ли да се тепаат децата кога се немирни?
-Да ги тепате? Малку или многу? (се смее). Видете, и стравот е некоја кочница и кога детето не разбира тоа го избавува од многу нешта. Да речеме, детето се качува на стол не знаејќи што ќе биде ако падне.
Ако добие малку ќотек од мајка му следниот пат ќе подразмисли. Меѓутоа, кога децата ќе почнат да разбираат, треба со благост и трпение да им се објасни она што можат да го разберат.’’


„Некои луѓе многу ги прекоруваат своите деца и тоа пред други! Како да имаат некаква мазга, па држејќи, ја водат да оди право напред. Го држат поводникот во рака и велат: „Само ти чекори слободно!’’


Не треба премногу да го навиваме саатот... Денес и млади и стари на овој свет живеат како во лудница. Затоа неопходно е многу трпеливост и многу молитва. Многу деца денес добиваат мозочен удар. Саатот малку е расипан, а и родителите го навиваат малку премногу, па федерот пука. Потребно е расудување.
На некое дете му треба повеќе ‘‘навивање’’, а на друго помалку.’’
„Светот постана лудница. Малите деца одат на спиење во полноќ, иако би требало да легнат со заоѓањето на сонцето. Затворени се во многуспратни згради во бетон и се вклопуваат во дневниот распоред на возрасните. Што да прават тие деца, што да прават нивните родители? Децата доаѓаат и ми велат: „Родителите не нé разбираат’’.  Доаѓаат родителите и ми велат: „Децата не нé разбираат’’.


Се создаде јаз меѓу децата и родителите.
За да тоа се надмине, потребно е родителите да ги согледаат работите од перспектива на децата и децата од перспектива на родителите. И ако сега децата не ги почитуваат родителите и нивните деца подоцна нема нив да ги почитуваат. Затоа што ако тие денес не ги слушаат и не ги почитуваат своите родители, и нив подоцна ќе ги малтретираат нивните сопствени деца, затоа што ќе делува духовниот закон.’’


„Родителите кои не го разбираат значењето на дисциплината, ги оставаат децата на  волјата и на крајот од нив создаваат губитници. Ти кажуваш еден збор, а тие тебе пет безобразни! Таквите  можат да станат криминалци.


Денешната младина е сосема  распуштена.
Слобода!
„Не ги допирајте децата!’’ А децата велат: „Каде уште постои ваков режим?’’ Според тоа, настојуваат  да се бунат, да не ги слушаат родителите, да не ги слушаат наставниците, да не слушаат ништо, да не чујат никого. Ова ја олеснува нивната цел. Ако од децата не создаваат бунтовници, како тие деца подоцна ќе ги уништат сите вредностни системи?
„Сега кога вашите деца се уште мали, должни сте да им помогнете да разберат што е добро. Тоа и е најдлабоката смисла на животот.’’

ВИДЕО

 

 

Подготви: Снежана Корнет

 

Друго:

 

Подготви: Снежана Корнет

28-ми февруари 2017 лето Господово

Извор: http://www.vestinet.rs/pogledi/sveti-otac-pajsije-ako-hoces-da-vaspitas-dete-drzi-se-ovog-pravila

 

 

 



Видео содржини

Поуки од Светите Отци

dobrotoljubie

Духовност

Ноември 10, 2020

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна Морача. Завршил Богословија во Белград, а на Богословскиот факултет на СПЦ, во Белград, дипломирал во 1962 година. Покрај теолошките науки, студирал и класична…
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 1125
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 1247
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1123
7.Vselenski.sobor
Премногу размислуваме во категоријата Бог – човек, наместо во категоријата личносни…

Беседи

Митрополит Струмички Наум: Како одат работите... (22.11.2020)

Митрополит Струмички Наум: Како одат работите... (22.11.2020)

Носењето на негативен заклучок многу лесно се надоврзува на трите посебно опасни илузии што ги имаат прифатено „христијаните“, во текот на својата историја, кои ги одделуваат од Вистината Христос, од...

Митрополит Струмички Наум: Ангелите се светлина (пример) за монасите; монасите се светлина (пример) за луѓето...“

Митрополит Струмички Наум: Ангелите се светлина (пример) за монасите; монасите се светлина (пример) за луѓето...“

Кога говориме за фанатизмот, отсекогаш ме воодушевувал примерот на светиот архангел Михаил. Некогаш, во кризниот момент на општото отпаѓање на ангелите, излажани од дотогаш најсветлиот и најбли- скиот ангел до...

БEСEДА за вoздигнувањe на чoвeкoт прeку вoскрeснатиoт Христoс

БEСEДА за вoздигнувањe на чoвeкoт прeку вoскрeснатиoт Христoс

Eвe ја висината дo кoја Бoг гo вoзвишил чoвeчкoтo битиe! Бидeјќи oвдe нe станува збoр за бoжeствeната прирoда Христoва, туку за чoвeчката, нe сe збoрува за вeчнoтo Слoвo Бoжјo, туку...

Митрополит Струмички Наум: Што е разликата помеѓу опсесија, илузија, прелест и помисла?(15.11.2020)

Митрополит Струмички Наум: Што е разликата помеѓу опсесија, илузија, прелест и помисла?(15.11.2020)

За разлика од демонските, мислите што ни доаѓаат од Божјата страна се суптилни, смирени, срамежливи, не сакаат да ја нарушат нашата слобода, а ни носат, главно, смиреност, покајание и плач....

Митрополит Струмички Наум: Со кого може да се разговара и за што (08.11.2020)

Митрополит Струмички Наум: Со кого може да се разговара и за што (08.11.2020)

 Тоа што е очигледно, за секој нормален, е дека, во овој период, против Македонската Православна Црква – Охридска Архиепископија се води специјална војна чија цел е растурање на нејзиното единство....

БEСEДА за срцeтo пoдгoтвeнo за Бoга

БEСEДА за срцeтo пoдгoтвeнo за Бoга

Пoдгoтвeнo e срцeтo мoe, Бoжe, спрeмнo e срцeтo мoe (Пс. 56:7). Блазe му на oнoј, браќа, кoјштo мoжe така да Му рeчe на свoјoт Гoспoд! Блазe му на oнoј чиe...

Митрополит Струмички Наум: За оние што се мислат безгрешни, пречисти и сигурно спасени, па сега ќе ја спасуваат и Црквата (30.10.2020)

Митрополит Струмички Наум: За оние што се мислат безгрешни, пречисти и сигурно спасени, па сега ќе ја спасуваат и Црквата (30.10.2020)

Пак ќе те прашам, уште ли се гледаш како чист!? Уште ли се гледаш како безгрешен!? Уште ли се гледаш како правоверен!? Уште ли се гледаш како спасен!? Гледаш, сега,...

Митрополит Струмички Наум:  Секташки дух (25.10.2020)

Митрополит Струмички Наум: Секташки дух (25.10.2020)

Секташкиот дух не го познава и признава покајанието. Тој дух во луѓето бара зло, вистинско или привидно, и на тоа се задржува. Се фаќа за еден збор, наместо за илјадници...

Беседа во спомен на Преподобен Теофил Струмички и Св. мч-ци Евлампиј и Евлампија

Беседа во спомен на Преподобен Теофил Струмички и Св. мч-ци Евлампиј и Евлампија

Нема ништо поблажено, возљубени, од тоа постојано да се предаваме на волјата Божја, постојано да живееме испитувајќи што навистина е според волјата Божја. Но тоа предавање и тоа испитување не...

« »