„Создател на сите, Господе слава Тебе. Со странски јазици си ги оспособил Твоите ученици Христе, со нив да Те проповедаат Тебе, бесмртно Слово и Бог кој им дава голема милост на нашите души. “

На 12 јуни 2011 година, кога  Светата Црква го празнува споменот кога Светиот Дух во вид на огнени јазици се симна врз апостолите и ги направи носители на благодатта Божја, создавајќи од нив свет собор, и кои  со своите  животи  и  дела ќе се вградат во телото на Црквата, на првиот ден од Светата Педесетницата, во храмот на св. Илија во Скопје, се отслужи   света Божествена Литургија со Вечерна. 

  По Божествената  Литургуја коленоприклоно беа прочитани Василиевите молитви.

Цару Небесен ,
Утешителу,
Духу на Вистината,
Кој си насекаде
и сè исполнуваш,
ризницо на добрини,
Животодателу.
Пријди
и всели се во нас,
и очисти нè
од секаква нечистота
и спаси ги, Благи,
нашите души.

Преминпортал

Лето Господово 2011