Вечерна богослужба и Монашење
На 27 мај 2025 година, во Навечерието спроти празникот Оддание на Воскресение, а воедно и денот кога Црквата го слави споменот на светите Гаврил Велички и Ахил Преспански, Неговото Блаженство Архиепископот Охридски и Македонски г. г. Стефан, отслужи Празнична вечерна богослужба во манастирот „Свети великомаченик Георгиј“ – Криви Дол, Скопје. На Вечерната, Архиепископот го замонаши во чин мала схима Ѓоко (Ѓорѓевски), давајќи му го монашкото име Георгиј. По замонашувањето, Архиепископот произнесе пригодно слово.