На 16.07.2023 год., во шестата недела по Педесетница презвитер Игор Острески во сослужение на ѓаконот Игор Трпковски отслужи Божествена Литургија во храмот на св.Јован Крстител во Скопје. Во текот на Литургијата отецот  го протолкува денешното Евангелие.     
На Божествената  Литургија верниот народ се причести со Светите Христови Тајни.

отец Игор Острески:

+ ШЕСТА НЕДЕЛА ПО ПЕДЕСЕТНИЦА

Евангелие по Матеј (9. 1-8), лекување на раслабениот во Капернаум.

Возљубени во Христа браќа и сестри.
Како што пчелите собираат од плодовите на овошките медена сладост, така и црковните проповедници собираат од Божјото писание различни душеполезни примери и поуки подобни на медената сладост, коишто, ќе се прочитаат во Божјата црква, и треба со големо внимание и тишина да ги слушнеме а не да разговараме зашто грешиме пред Бога, а гревот е големо зло за човекот бидејки не само што ја погубува душата туку му нанесува и болест на телото за кое слушнавме од денешното прочитано Евангелие.

Раслабениот трпел но со огромна вера и затоа добил исцеление. Христос прво му ги простил грвовите, а отпосле го исцелил за да ни покаже дека верата е погубител на гревовите и да не увери дека многу болести на телото доаѓаат од гревот, како што рекол прор. Еремија за Ерусалим дека ќе биде подложен на огромни рани и болести заради безаконијата свои."

 Преминпортал (к.т.)