Во пресрет на големите христијански празници посветени на светите апостоли Петар и Павле излегоа од печат новите броеви од списанието „Православна Светлина“ и од илустрираната едиција „Библиски настани“.

И во овој нов број на „Православна Светлина“, 26 по ред, веќе во седмата година од неговото печатење, стандардно, како и досега, обработивме  теми од нашата православна вера и живот и се надеваме дека и овој број ќе ја збогати радоста кај сите верници кои ќе го имаат во своите раце во овие денови.

Списанието е бесплатно и можете да го земете низ храмовите во Повардарската епархија.

Во овој период излезе од печат  и десетиот број од илустрираната едиција „Библиски Настани“, со работен наслов „Пријател на сите“, во кој е обработен расказот за спасителната мисија на Господ Исус Христос.  Илустрираната едиција „Библиски Настани“ содржи 14 изданија, кои се печатат во тираж од 10.000 броја, а излегуваат од печат во определен временски интервал. Вакво илустрирано библиско издание се печати за првпат во историјата на издаваштво на Македонската Православна Црква, а досега не се испечатени слични изданија ниту во останатите православни цркви на Балканот.