Режисерот Горан Тренчовски е член на официјалното меѓународно жири на Филмскиот фестивал во Дурес, кој втора година се одржува во овој приморски град во Албанија, од 22 до 30 август. На овој фестивал се прикажуваат исклучиво долгометражни играни филмови во две категоии: Современи визии и Балкански свет. Главната награда што ќе се додели е Златен гладијатор. На отворањето беше прикажан филмот на Дени Бојл Сиромавиот милионер, а на самиот фестивал се присутни голем број гости од светот на филмот.