Ве известуваме дека во недела, на 17.03.2013 година во 17:00 часот, во соборниот храм „св. Климент Охридски“ во Скопје ќе се служи вечерна богослужба на простувањето. Според Преданието на Православната Црква, денот пред почетокот на Великиот велигденски пост е посветен на нашето меѓусебно простување, за да можеме со чиста совест да тргнеме по патот кон учество во Христовото Воскресение. Се повикува сиот клир и верен народ да земе учество во богослужбата, на која ќе биде присутен Архиепископот охридски и македонски г.г. Стефан, којшто ќе ни даде благослов за почеток на подвигот на постот.