Во просториите на Националната галерија на Македонија, објект Чифте амам на ден 10.12.2015 год. (четврток) во 20 часот ќе биде отворена изложбата на академскиот сликар Жанета Гелевска Велјаноска. Изложбата ќе содржи 50-тина дела комбинирана техника на платно. Жани дипломирала на Факултетот за ликовни уметности во Скопје, во 1989 година. Член е на ДЛУМ од 1989 година.
Учествувала на многубројни изложби во својата родна Македонија, во Европа, САД, а зела учество и во различни уметнички проекти. Нејзините дела се присутни во многу приватни и јавни колекции низ целиот свет. Во 1999 година е поканета да учествува на изложбата на престижната галерија „Blains“, во Мејфер, Лондон, за веднаш потоа да се пресели во Англија, каде што работи како слободен уметник.
,,Конекција,,, e насловот на изложбата, кој сам по себе, сугерира симбиоза на најважните вредности во животот како и во уметноста. Жанета Гелевска Вељаноска ги повикува гледачите на нов поглед на поимот ,,заедништво,,. Со своите дела како и во животот Жанета комуницира, Продуховеност, Промисленост и Доследност овојпат во комбинирана техниката на платно,со вметнување на колажи, стари фотографии од минатото заедно со модерните форми од сегашноста. При тоа авторката емитува ,, уметност на радоста на животот,, и создава дела кои приближени на човечкиот амбиент создаваат потреба за дружење со него,,.Сепак посебно би ја издвоила ,, конекцијата со детето,, на секое човечко битие, како нешто најдлабоко во секој од нас. Систематизираќи ги внатрешни пориви на својот сопствен сензибилитет, во своите дела Жанета Гелевска Вељаноска се стреми кон синтетичен и силен начин на изразување.Лексиката на нејзиното сликарство е слоевита и смислено вкрстена од различните доживувања и расположенија, така, таа се ослободува од една цела конкретна логика, во корист на диктатот на чулата и чуствата со емотивни изливи на внатрешната енергија и психички вибрации.
Преку палетата на своите платна Гелевска не води низ инзворедна композициска решеност на површината, воедно остваруварувајќи една комплексна изведба, споена со познавањето, пред се, на создавањето на светот како предизвик на самото битие. Во својот појдовен импулс, пристапот на авторката веќе е лишен од декларативно-утилитарна тенденциозност, нејзините мотиви се предизвикани од сфери што им припаѓаат , пред се, на творечките индивидуално-психолоските и хуманистички разбирања. Делата се весели и полни со оптимизам, потхранети со страст за животот и интерес за едноставноста на секојдневниот живот, со мотиви што изразууваат животна радост, неагресивност, и сремеж кон еуфорична емоотивнoст.Светот на Жанета Гелевска е полн со немири, сликарски ансамбли, енергични акценти, исцрпно истражување, збиен сензибилен набој, хармонизирани градации, ритмично избалансирани.Гелевска се докажува како автор со висока колористичка сензибилност и како вешт познавач на психологијата на бојата и нејзиното влијание врз гледачот. Во бојата, нанесувана во извиени потези и во коси и кружни сегменти е содржан цртежот, формата и светлината. Овие изразни средства се поврзуваат со некои апстрактни, како и со фигуративни значења како и со ритамот на сликарски доловената игра.
Физичките и метафизичките аспекти на бојата, непрекинато испреплетени и
вткаени во делата на оваа интуитивна авторка, со силниот колорит и
страствено-истражувачкиот нерв, создаваат вистински ``колористички огномети``.
Составните елементи во нејзините сликарски остварувања на Жанета Гелевска
Вељаноска успешно оддаваат знаци на траење, како и на постојана потрага во
внатрешноста на битието и меморијата, а токму таквите аспекти се суштински
за човековото творечко опстојување.
Уметникот ги искажува своите чуства , немири и неспокој за да ја потикне
емотивната реакција на гледачот, далеку од реалниот свет.
Куратор на изложбата е Татјана Бундалевска и ке трае до 21.12.2015 година.
====
Жанета Гелевска-Велјаноска - Жани
Жани дипломирала на Факултетот за ликовни уметности во Скопје, во 1989 година. Член е на ДЛУМ од 1989 година. Учествувала на многубројни изложби во својата родна Македонија, во Европа, САД, а зела учество и во различни уметнички проекти. Нејзините дела се присутни во многу приватни и јавни колекции низ целиот свет. Во 1999 година е поканета да учествува на изложбата на престижната галерија „Blains“, во Мејфер, Лондон, за веднаш потоа да се пресели во Англија, каде што работи како слободен уметник.
САМОСТОЈНИ ИЗЛОЖБИ
2015 Скопје(МК),Национална Галерија на Македонија,Скопје
2015 Pariz,(ФР), Gallery Carre d Artistes, Pariz
2015 Софија(БГ), КИЦ, Софија
2014 Скопје (МК) Тутунска банка
2013 Париз (ФР) Care D` Artistes
2013 Nagykanizsa (H) Kanizsai Kulturalis Kozpont
2012 Париз (ФР) Care D` Artistes
2012 Сегедин (У) Grand, Caffe 2012
2012 Лондон, Europe House (ГБ),12 Star Gallery
2011 Скопје (МК) Галерија ОКО
2011 Скопје (МК) Галерија ДМЦ
2010 Лондон (ГБ) GX Gallery
2009 Акс ен Прованс (ФР) Carre D` Artistes
2009 Бат (УК) Rostra and Rooksmoor Galleries
2008 Лондон (ГБ) Opal Gallery
2008 Скопје (МК) КИЦ (Културен Информативен Центар)
2007 Лондон (ГБ) GX Gallery
2007 Бат (УК) Rostra and Rooksmoor Galleries
2006 Лондон (ГБ) GX Gallery
2006 Лондон (ГБ) Macedonian Embassy
2005 Лондон (ГБ) Croydon Clocktower
2004 Лондон (ГБ) Sun Lounge, Fairfield Halls
2000 Битола (МК) The Art Gallery
1996 Скопје (МК) Skopje City Museum
1992 Скопје (МК) Даут Пашин амам
1992 Охрид (МК) The Urania House Gallery
1991 Куманово (МК) Art Gallery of Modern Arts
1990 Мостар (БиХ) The Theatre Club Gallery
1990 Сисак (CRO) The Glass Gallery
1989 Скопје (МК) Галерија Компас
УМЕТНИЧКИ САЕМИ
2014 Лурмарин, Франција, Art E` xpo
2010, 2007, 2006, 2005, 2004
Лондон, Battersea Contemporary Art Fair
2007 Бристол, AAF (The Affordable Art Fair)
2007 Глазгов, Glasgow Art Fair
2007 Лондон, AAF (The Affordable Art Fair)
2006 Лондон, Alexander Palace Art Fair
2006 Лондон, The Great Art Fair
2005 Лондон, Business First, Fairfield
Групни изложби: Македонија, Франција, В.Британија, САД, Шпанија, Бугарија, Австралија, Унгарија, БиХ, Хрватска...
web: www.zani.com.mk
e-mail: Оваа е-адреса е заштитена од спамботови. Треба да ви е овозможено JavaScript за да ја видите.
Со почит,
Национална галерија на Македонија
--
Nacionalna galerija na Makedonija
Odnosi so javnost i marketing
tel. +389 2 3126 856
fax. +389 2 3109 566
http://www.nationalgallery.mk
Оваа е-адреса е заштитена од спамботови. Треба да ви е овозможено JavaScript за да ја видите.
Оваа е-адреса е заштитена од спамботови. Треба да ви е овозможено JavaScript за да ја видите.