Прашање од Зоран: Почитувани, моето прашање се однесува на почетоците на фрескоживописот, историјатот, преку преданијата или зачуваните примероци, значи, од кога всушност започнува фрескопишувањето?
Со почит.
Одговара : отец Горан Тасески
Фрескоживописот и иконописот се врзани со самиот почеток на христијанството. Настанот кога Спасителот наш Исус Христос му го испраќа на персискиот цар Авгар, Неракотворниот образ преку кој тој се излекувал /види во житието за ден29 август/, се смета за прва икона и благослов за живопис на Спасителот наш Господ Исус Христос и на светиите. Св. ап. Лука се смета за прв иконописец, бидеќи ја живописал Пресвета Богородица уште за време на нејзиниот живот .
Во раниот период на гонение на христијаните/2до4век/ кога тие биле приморани да ги извршуваат своите молитвени собири и да извршиваат св. Литургии во подземни прострии / катакомби/, во истите се пронајдени фрески на симболи за Христа како:- Риба , Добриот пастир, Јагнеи др., кои биле изобразувани на зидовите. Во Византија кога христијанството станало водечка религија и фрескозивописот се развивал со поголем обем и квалитет . За време на иконоборечките ереси многу икони и фрески биле уништени, но после овој период од 842г. па навака фрескоживописот во континуитет е застапен во нашите храмови и го покажува видливо за нашите телесни очи, присуството на жителите на Царството Небесно во нашата црква која е во постојано духовно општење со небесната победоносна црква.
Господ да ве благослови . поздрав