логоFacebookTwitterYouTubeeMail


Промоција на книгата за деца „Светилници на светот“ (10.01.2019 22:10)



По повод празникот Рождество Христово, со благослов на Митрополитот Струмички г. Наум, деновиве од печат излезе книгата за деца „Светилници на светот: за македонските светители“, првата книга за деца од оваа едиција, во издание на манастирот „Светите Петнаесет Тивериополски свештеномаченици“, Струмица.

Книгата ја подготви Катерина Божинова, дипл. теолог и професор специјалист по религиско образование, а илустрациите за книгата ги изработија децата од училиштата во Струмица под нејзино менторство.

Книгата содржи кратки житија на светители што се почитуваат на нашите простори – почнувајќи од Пресвета Богородица, па сè до светите Методиј и Кирил, свети Климент и свети Наум Охридски, светите Петнаесет Тивериополски свештеномаченици, свети Леонтиј и свети Теофил Струмички, света Лидија Македонска, света Злата Мегленска, свети Јоаким Осоговски и свети Гаврил Лесновски.


 

 

 

 

Во предговорот на книгата, викарниот Епископ г. Јаков Полјански на децата им порача: „Прочитајте ја книгата и одберете си омилен светител, кому секој ден ќе му се молите да биде ваш соборец и да ве крепи и заштитува. Сите овие светилници на светот се деца и пријатели Божји, и живеат во рајот и ги слушаат вашите молитви, и особено ги сакаат децата“.

 

Денес, во просториите на манастирот „Светите Петнаесет Тивериополски свештеномаченици“, Струмица, се одржа и промоција на книгата, што ја одржа викарниот Епископ г. Јаков Полјански, и по тој повод беше организирана изложба на која беа изложени сите цртежи од децата, кои поради ограниченоста на бројот на страници не беа опфатени во книгата. Исто така, беше организирана и хуманитарна акција за помош на Нина, при што децата со радост изработија божикни честитки со божикна порака.



Авторот на книгата, Катерина Божинова, во своето поздравно слово на присутните им се обрати:

„Ова дело е доказ дека со децата е прекрасно да се работи, толку лесно сѐ се направи. Мојата желба беше да ги имаме житијата на светителите, кои се „Светилници на светот“ во ова дело прилагодено за деца. Сите деца со воодушевување почнаа да работат и да цртаат, слушајќи за животот и подвизите на светителите, чии имиња ги знаеме, но не и нивните подвизи. Тоа беше главниот мој мотив за ова дело, кое нѐ потсетува дека тие се пример за следење и дека човек може да стане свет секаде, и на сред град, и овде и сега. А, децата со воодушевување сакаат да ги читаат, а има и зошто, бидејќи се многу поучни за секого.

 

Бог нас нѐ обдарил уште од првиот век со многу светители. Христијанството посеано на овие простори од светиот апостол Павле принесе безброј свети души. Затоа, имаме многу примери за следење, и поради тоа Ви го најавувам и вториот дел од едицијата житија, на кои веќе се работи“.

На сите деца им беа поделени благодарници за активен придонес во детската книга и за учество во изложбата.

 

Христос се роди!

Извор: МПЦ-ОА



Поуки од Светите Отци

krusevoexport

Беседи

БEСEДА за Христoвoтo мирoтвoрствo

БEСEДА за Христoвoтo мирoтвoрствo

Да, и пoкрај тoа штo сè уштe има вoјни. Глeдај, вoјнитe пoмeѓу христијанскитe нарoди нe сe истo штo и вoјнитe пoмeѓу нeзнабoжцитe. Нeзнабoжцитe вoјувалe сo гoрдoст, христијанитe вoјуваат сo срам....

Антониј, Митрополит Сурошки: Преображение

Антониј, Митрополит Сурошки: Преображение

Мојсеј влегол во тој облак и му било дозволено да разговара со Бога како пријател со пријател; му било дозволено да види како Бог поминува покрај него, сè уште без...

Митрополит Струмички Наум: Преображение, наше (18.08.2016)

Митрополит Струмички Наум: Преображение, наше (18.08.2016)

„Според православната црковна антропологија на Светите Отци, суштината на умот се наоѓа во срцето како духовен центар на човекот, а енергијата на умот преку  сетилата се расејува по светот. Насочувањето...

Свети Лука (Војно- Јасеницки): СЛОВО ЗА УСПЕНИЕТО НА ПРЕСВЕТА БОГОРОДИЦА

Свети Лука (Војно- Јасеницки): СЛОВО ЗА УСПЕНИЕТО НА ПРЕСВЕТА БОГОРОДИЦА

Многу е важно правилно да разбереме и да ги запомниме зборовите на тропарот на великиот празник на Успението на Пресвета Богородица: „... По Успението не си го оставила светот, Богородице...’’.Нејзината...

Викарен Епископ Јаков Стобиски: Нашето одење во црква

Викарен Епископ Јаков Стобиски: Нашето одење во црква

Ние можеме да се молиме за здравје и за сè друго што нам ни се чини дека е добро да бараме, но не смееме да очекуваме дека ако одиш во...

Митрополит Струмички Наум: ВО СТИЛОТ НА СВЕТИОТ ПРОРОК ИЛИЈА

Митрополит Струмички Наум: ВО СТИЛОТ НА СВЕТИОТ ПРОРОК ИЛИЈА

Сите сме жртви на суетата, помалку или повеќе. Забораваме дека гревот што го „препознаваме“ кај нашиот ближен, според Светите Отци, постои и во нас или е најчесто само наша проекција....

Митрополит Струмички Наум: „ВНАТРЕШЕН  и НАДВОРЕШЕН АВТОРИТЕТ“

Митрополит Струмички Наум: „ВНАТРЕШЕН и НАДВОРЕШЕН АВТОРИТЕТ“

Просто, сме станале верна копија на старозаветните Црква, храм и свештенство – во нивната изобличеност, со слични рестриктивни правила кон обичниот верник (сепак носител на царското свештенство) и со ист...

 Викарен Епископ Јаков Стобиски: За маченички етос

Викарен Епископ Јаков Стобиски: За маченички етос

Имаме можност да бидеме маченици Христови – во секоја минута, во секоја секунда од нашиот живот. Мачеништво е да се избориш со една лоша помисла, со помисла на завист, со...

Архимандрит Партениј Бигорски: Острастеноста – пат кон демоноопседнатост

Архимандрит Партениј Бигорски: Острастеноста – пат кон демоноопседнатост

Оваа состојба на демоноопседнатост не е некаков мит или обична приказна, или пак, средство за заплашување. Не, таа е реалност и постои. Колку и да се обидуваат некои да ја...

« »