логоFacebookTwitterYouTubeeMail

Страдањето во овој свет е неизбежно. Но, само страдањето заради Божјата вистина нѐ носи во вечниот живот. Страдањето е еден од најголемите учители. С. Серафим Роуз, во една прилика рекол: „Зошто луѓето се учат преку болката и страдањето, а не преку удобноста и среќата? Многу едноставно, затоа што преку удобноста и среќата, човекот се навикнува да се задоволува со нештата од овој свет, додека болката и страдањето го тераат човекот да трага по најдлабоката среќа, која го надминува овој свет“.

Кога човекот ќе Го прифати Христа во своето срце, темнината на неговите страдања се претвора во светлина. Тогаш страдањето се преобразува во духовна храна, со чија што помош се развиваат добродетелите. Првата добродетел што ја учи човекот преку страдањето е смирението. Бог преку страдањето ги учи луѓето, за да им ја открие нивната слабост, та на тој начин да ја бараат Христовата сила.

Следната добродетел која ја раѓа страдањето е долготрпението. Преку трпењето на болките и маките во животот, се стекнува духовна сила. Преку истрајното трпење на страдањето се смирува душата на човекот.

Третата добродетел на која човекот се учи преку страдањето е сомилоста. Оваа добродетел може да се развие до толкава мера што, буквално, човекот станува способен да ја почувствува болката на другиот човек, па дури и болката на сите луѓе.

Од овие три добродетели, што се стекнуваат со носењето на Христовиот крст, се раѓа една состојба која се нарекува „болка на срцето“. Болката на срцето е изворот од кој страдалникот заради Христа ја црпи својата сила, онаа што му дава сила сè да издржи.

Живееме во хаотичен свет кој се наоѓа пред издивнување. Како Христијани, ние сме оние што се бунтуваа и одбија и понатаму да учествуваат во човековата војна против Бога. Да се зборува за љубовта значи да се зборува за Бога, бидејќи Бог е љубов. Бог не е мртов, бидејќи кој би можел да ја убие љубовта? Љубовта е она за кое вреди да се умира секојдневно. Бог е Оној за Кој вреди да страдаме до крајот, бидејќи Бог е Оној Кој прв страдаше за нас.

(Извадок од книгата: Последниот вистински бунт)

 

Извор: Бигорски манастир

30ти јануари 2019 лето Господово



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 636
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…