Скопје, 06.12.2013 год.- Крводарителна акција во општина Кисела Вода

Под мотото “Капка крв, спасува живот”, на празникот на св. Амфилохиј Икониски (6-ти декемви 2013 год. ),  успешно се реализираше крводарителската акција, во организација на општина Кисела Вода и Општинската организација на Црвениот крст - Кисела Вода.  33 хумани луѓе од вкупно 40 пријавени, вклучително и претставници од општинската администрација и месните заедници, на дело го покажаа своето човекољубие и даруваа од оваа драгоцена течност.
Вакви крводарителски акции, општината Кисела Вода во соработка со Општинската организација на Црвениот крст- Кисела Вода организира редовно, на секои три месеци.

     ДРУГО:

Почна акцијата за садење дрвја на улиците и булеварите

Градоначалникот на Град Скопје, Коце Трајановски, заедно со градоначалникот на општина Кисела Вода, Билјана Беличанец-Алексиќ, Претседателот на Советот на Град Скопје, Ирена Мишева, државниот секретар во Министеството за животна средина и просторно планирање, Соња Лепиткова и директорот на ЈП „Паркови и зеленило" Душко Авировиќ, денеска со садењето осумдесетина листопадни садници во дрворедите од двете страни на булеварот Борис Трајковски, ја почнаа акцијата за садење дрвја во дрворедите на улиците и на булеварите низ сите 10 скопски општини.

 
Станува збор за акција  на Градот Скопје и на ЈП „Паркови и зеленило“  која  ќе трае до крајот на месец март, во која ќе се обноват веќе постојните дрвореди по улиците или булеварите или ќе се оформат нови дрвореди на улиците и булеварите кои се во надлежност на Градот. За успешна реализација  на оваа акција Градот изготви проект на кој се работеше 3-4 месеци. 

6.12.2013 год.