логоFacebookTwitterYouTubeeMail

 apostol.Toma.jpgЗа да ни го востанови празнувањето на Денот Господов по истекот на секоја помината седмица, Господ најпрво им се јави на учениците собрани во домот, тогаш кога Тома не беше со нив. Он им се покажа жив, им подари мир и дувнувајќи го обнови она прво вдахнување кое Бог му го подари на човекот на почетокот на светот; им подари благодат на Светиот Дух и во нив положи сила да сврзуваат и разрешуваат гревови, правејќи ги учесници на власта која е на Небесата, говорејќи: Примете Дух Свети! На оние на кои ќе им ги простите гревовите, ќе им бидат простени, а на кои ќе им ги задржите, ќе им бидат задржани! (Јован 20; 22-23).

Таа сила и таа благодат Господ им ја подари јавувајќи се на самиот ден на Своето воскресение, односно на Денот Господов. Потоа, по истекот на седум дена, повторно им се јави на истиот начин, во тој ист дом, Самиот обновувајќи го Своето празнување и приведувајќи го сомнежливиот Тома во верата. Согласно возљубениот евангелист и ученик на Спасителот, по осум дена учениците Негови пак беа собрани, и Тома со нив. Дојде Исус, кога вратата беше заклучана, застана помеѓу нив и рече: Мир вам! (Јован 20, 26).

Гледате ли дека на Денот Господов се случи и собирот на Христовите ученици и доаѓањето Господово при нив? Значи, беше Ден Господов кога Он првпат им се јави на собраните и повторно, после седум дена кога пак беше Ден Господов и кога повторно беа собрани, Он им се јави. Црквата Христова непрестајно ги изобразува овие собранија, совршувајќи ги богослуженијата, а особено на денот на воскресението.

Затоа, никој поради мрзеливост или секојдневни грижи кон земното да не ги напушти овие воскресни (неделни), свештени и од Бога предадени собранија за да не се случи, како праведно напуштени од Бог, да доживееме нешто слично како Тома, кој не дојде во вистинско време. 

apostol.toma2.jpgНекои се во недоумение на кој начин Христос, Кој беше во тело, влезе низ заклучената врата. Таквите луѓе очигледно не знаат дека духовното му е сообразно на духовното и дека едното со друго се потврдува, како што вели божествениот апостол (1 Кор. 2, 13). Кога Он не ја повреди утробата на Дева Која Го роди по тело, ни најмалку не отворајќи ја, туку на неа при раѓањето останаа неповредени обележјата на девственоста, иако и Он тогаш беше облечен во тело кое е смртно и подложно на страдања, зошто би не чудило ако, обесмртувајќи го телото кое го прими и сега веќе поседувајќи бесмртно тело, влезе низ заклучена врата? Меѓутоа, како тогаш Господ имајќи бесмртно и бестрасно (неподложно на страдање) тело истовремено можеше да има рани и пробиени места на рацете и на ребрата? Евангелистот проповеда дека Господ му рече на Тома: Дај го прстот свој овде и види ги рацете Мои; дај ја раката своја и стави ја во ребрата Мои; и не биди неверен, но верен (Јован 20, 27). Како тоа Он да има рани? Смртното и страдално тело не би можело да ги покаже раните и пробиените места и истовремено да биде неповредено и здраво. Он, меѓутоа, имаше моќ, заедно со бесмртноста и бестрастието на телото да му ги покаже, на оној кој сака, и раните и повредите кои претходно ги прими и притоа Неговото тело да не биде ништо помалку бесмртно и бестрасно.

Оттука заклучувам дека и оние кои пострадале за Христа, на своето тело ги носат раните како некои вечни украси. Како што, на пример, прозорските отвори ни најмалку не ја нарушуваат цврстината на зданието и не го прават нескладно, и претставуваат неопходен дел од куќата, бидејќи внатре пропуштаат светлина и им овозможуваат на оние кои живеат внатре да гледаат што се случува надвор; на ист начин страданијата на телото кои се поднесени заради Христос, како и трагите кои тие ги оставаат, за оние кои ги примија, стануваат некој вид на прозорци кои пропуштаат незалезна светлина и, поради блескањето на таа светлина, се препознаваат по божествената убавина и сјај, и не само што не го нарушуваат бестрастието, туку попрво се залог на бесмртноста.

Христовото тело внатре во себе имаше извор на божествена светлина, од каде заблеска и се просветли сомнежливиот Тома, така што тој во истиот момент почна совршено да богословствува и извика: Господ мој и Бог мој! Господ на тоа му рече: Тома, ти поверува, оти Ме виде; а блажени се оние, кои не виделе, а поверувале (Јован 20, 29), на тој начин покажувајќи дека оние кои со сопствени очи ја гледаат Неговата слава, немаат ништо повеќе од оние кои преку апостолите поверувале во Него. Тоа што не рече „кои ќе поверуваат“ туку „кои поверувале“, тоа е така затоа што е кажано со божествената сила на предзнењето на Оној Кој сѐ знае, и што се случило во минатото, и за Кој иднината е иста како и она што веќе се случило.

Ќе ви откријам една мисла која токму сега ми дојде. Гледајќи дека Тома, за време на своето отсуство, сѐ уште беше неверен, и дека, после собирот со оние кои поверуваа ни најмалку не згреши во верата, ми падна на ум дека ни грешниот човек, само ако се чува од дружење со лоши луѓе и се обрати кон праведните, никогаш не би згрешил во праведноста и благодарение на тоа ниту, пак, во делото на спасението на својата душа.

Свети Григориј Палама

 

Подготви: Редакција на сајтот на МПЦ

Посети:{moshits}

 

 

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 746
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Архиепископот г.г. Стефан:Продолжи ги богољубивите и родољубивите дела

Архиепископот г.г. Стефан:Продолжи ги богољубивите и родољубивите дела

    Со денешниов чин, преку Светиот Дух, врз тебе се изли љубовта Божја[6], и тој дар ќе ти помага со љубов да им служиш на луѓето и да ги исполнуваш задолженијата...

Партениј Епископ Антаниски и Игумен Бигорски:Да си биде епископ значи да се биде прв во служењето

Партениј Епископ Антаниски и Игумен Бигорски:Да си биде епископ значи да се биде прв во служењето

Да се биде епископ, преемник на апостолската благодат, значи да се биде прв не во превласта, не во некакви привилегии, туку во одговорноста и во служењето на другите за добро,...

О.Бобан Митевски: Долгоденствувај владико свет, Преосветен епископе Антаниски, г. Партениј

О.Бобан Митевски: Долгоденствувај владико свет, Преосветен епископе Антаниски, г. Партениј

Денес беше сецрковно торжество, радост за дојдените заради љубовта во Христа... Радост долгоочекувана, желба кој тивко тлееше во посакувањата на илјадници наши браќа и сестри христијани. Се се радуваше. Толку...

Митрополит Струмички Наум: Првенство по чест (11.07.2020)

Митрополит Струмички Наум: Првенство по чест (11.07.2020)

Нема таков голем грев пред Бог каков што е духовниот геноцид што се врши над нашата света Црква. Да имаш власт да сврзуваш и да разврзуваш и на небото и...

Митрополит Струмички Наум:  Умно-срдечната молитва – критериум на вистинско богословие (07.07.2020)

Митрополит Струмички Наум: Умно-срдечната молитва – критериум на вистинско богословие (07.07.2020)

Теологија без умно-срдечна молитва е повеќе технологија, т.е. умешност, односно техника на составување и вообликување на мислата и на зборот, отколку богословие, отколку Божјо слово; повеќе знаење што произлегува од...

 Митрополит Методиј Златанов: огромна е човечката жед за љубов

Митрополит Методиј Златанов: огромна е човечката жед за љубов

Во духовната пустина на овој суетен свет, на ова место на нашето исконско туѓинување, огромна е човечката жед за љубов. Дури и се навикнуваме да живееме без внимание кон себе...

Митрополит Европски Пимен (03.07.2020)

Митрополит Европски Пимен (03.07.2020)

Да си споменеме за да поверуваме во она дека сė што е соединето со Бога е спасено, та освестеното да го примениме во нашите животи. Да престанеме да ги распнуваме...

Митрополит Струмички Наум: Кажи само збор (04.07.2020 )

Митрополит Струмички Наум: Кажи само збор (04.07.2020 )

Исто така, извршен e и Литургискиот (Евхаристиски) збор, и тој е збор во сила; извор на слово во сила, кое повторно и повторно го обновува светот; затоа што Христос е...

О. Жарко Ѓорѓиевски ✥Беседа за св. Наум Охридски✥  (03.07.2020)

О. Жарко Ѓорѓиевски ✥Беседа за св. Наум Охридски✥ (03.07.2020)

Свети Наум бил мудар учител, единствен раководител на монасите, решителен подвижник, чудотворен молитвеник и духовник. Тој постојано работел на преводи на светото Писмо и другите богослужбени книги од грчки на...

« »