логоFacebookTwitterYouTubeeMail




 

  Pimen.govornica1.jpg

Новите технологии веќе долго време не се „резервирани“ само за гикови и професионалци, односно, свесно или несвесно, сите, или бар повеќето од нас ги користиме тие технологии, и тоа секојдневно. Денес паметните телефони, интернетот, социјалните мрежи повеќе се начин на живеење, отколку професија или само средство за „денгубење“. Со таа мисла на ум, се обративме кај една личност, која што, доколку се гледа црно-бело, по професија и животна определба нема скоро воопшто допир со новите технологии и животот му е посветен на духовното, многу пред материјалното и модерното.

Но дали е тоа е навистина така, како и тоа дали новите технологии и комуникациски канали можат да се вклопат во духовниот свет, побаравме одговор од г. Пимен, Владика во Светиот архиерејски синод при МПЦ-ОА, задолжен за Европската епархија.





Битно.мк:  Ве молам накратко да им се претставите на нашите читатели

Г. Пимен:  Македонската православна црква е поделена на 11 епархии, од кои осум се во Македонија, и три епархии во дијаспората. Една од оние три во дијаспората е и Европската епархија со која раководам јас, митрополитот Пимен. На чело на истата епархија сум нешто повеќе од осум години. Претходно бев игумен на манастирот св. Леонтиј во село Водоча – струмичко, цели осум години. Таму сум и замонашен. Постдипломските студии ги работев на св. Сергеј во Париз, теолошкиот факултет го завршив во Скопје, а средното и основното образование во Ресен, од каде што и потекнувам.

Битно.мк:  Дали и колку г. Пимен ги користи новите технологии и комуникациски средства (смартфони, социјални мрежи и слично), приватно, но и како свештено лице ?

Г. Пимен:  Со оглед на тоа што 3/4 од времето во текот на годината го минувам во патување низ епархијата која се распростира низ 12 европски земји, и во кои функционираат 35 црковни општини, немам можност за постојана канцеларија со класична техничка опрема, па поради тоа, како алтернативна канцеларија, ги користам смартфонот и ајпадот како можност да бидам во постојан контакт со сите овие општини, и да ги прибирам информациите на едно место.
Секако во тој контакт многу ми помаагаат социјалните мрежи, особено ФБ. Исто така, преку техниката и со помош на социјалните мрежи, успевам и приватно да ги одржувам контактите со моите стари другари и пријатели, но и со новозапознатите кои не секогаш мора да се базирани на религиозна основа. Преку Фејсбук, ние информираме и за богослужби и позначајни прослави низ црковните општини, а истовремено меѓусебно разменуваме информации и взаемни искуства, така да, не само јас како надлежен архиереј, туку и свештенството и претседателствата на сите црковни опшини се многу активни на социјалните мрежи.

Pimen.govornica.jpg

Битно.мк:  Која е вашиот став за спојување на нешто толку старо и духовно како Црквата и религијата, со нешто толку ново и некои ќе кажат дури несериозно, како интернетот и социјалните медиуми?

Г. Пимен:  Црквата, освен во оној мрачен средновековен инквизициски период и тоа на Запад, никогаш не била против техничко – технолошкиот развој. Секогаш ги користела сите возможни начини за проповедање на Словото Божјо. Да се потсетиме на првиот Универзитет во Охрид основан од светите Климент и Наум, во кој освен верата, се учела и писменоста и разни други техники од медицината и земјоделието, кои им го олеснувале животот на нашите претци. Првата испечатена книга од страна на Гутенберг е токму Библијата. Од друга страна, црквата знае дека ништо не е зло само по себе, дека нема ѓаволски направи, туку дека сѐ е дадено со допуштение божјо за да му го олесни животот на човекот. Но, некогаш некои работи можат и да бидат злоупотребени, особено ако целата таа техника и интернет и медиумскиот простор се остави на оние кои би го злоупотребиле. Затоа мора да бидеме во постојано актуелни и да парираме на сите тие негативни појави.

Битно.мк:  МПЦ-ОА има своја веб страна која што колку што можев да забележам се надградува со содржини, но сепак, според мене недостасува интерактивната компонента, врската со верниците, па и со граѓаните кои сакаат да дознаат нешто повеќе за некој празник, член на црквата и слично. Дали сум во право?

Г. Пимен:  Потполно сте во право. Официјалната веб страна на МПЦ постои скоро 15 години. Таа изврши голема улога во пробивање на мразот од стравот од интернет. Преку неа, многумина и ја запознаа и се приклучија кон црквата. Во моментот кога увидовме дека на истата и фали интерактивност, го отворивме порталот Премин. Потоа кога се развија социјалните мрежи кои понудија уште поголема и послободна интерактивност и разговор со конкретна личност и развивање на личносен контакт со одреден клирик на црквата, а не со редакција, се преориентиваме кон нив, во исто време не запоставувајќи ги веб страната и порталот.

Битно.мк:  Дали постојат некои канонски или црковни забрани кои не дозволуваат овие работи да навлезат во животот на свештените лице, монасите и слично?

Г. Пимен:  Не постојат канони или правила кои го забрануваат користењето на овие работи, но сепак искуствата покажуваат дека доколку не се воздржуваме доволно и не ги користиме правилно, истите може да станат наша страст и да паднеме во нивна заробеност, како и од секоја друга страст што не одделува од нашиот контакт со Бога. Сепак монасите и свештенството се конкретни личности, а не виртуелни ликови и институции.

Битно.мк:  Освен Вас, можеби и некои други од помладите владици, кои ги користите социјалните мрежи притоа споделувајќи информации и комуницирајќи со верниците, дали има план самата црква да има свој канал, ако не друго барем за основна комуникација ?

Г. Пимен:  Црквата како жив организам е составена од личности кои се вградиле во неа. И млади и стари. Но, не сите млади се поборници ”за”,  и не сите стари се против развојот на интернет комуникацијата со верниот народ. Сепак, искуствата на другите цркви и плодовите што се покажаа од оваа можност за комуникација и пласирање на информации нѐ тераат сите, без оглед на годините, да размислуваме во насоката да го најдеме заедничкиот јазик за како што вие рековте барем на каналот за основна комуникација.

Битно.мк:  Римокатоличката црква во последно време е доста активна на ова поле, Папата има Твитер акаунт кој сосема солидно се користи, а сега колку што видов има околу 4.5 милиони следбеници, што ќе се согласите е доста голем аудиториум. Дали сметате дека нашата црква треба да го следи тој тренд ?

Г. Пимен:  Како што споменав, црквата отсекогаш се трудела да биде во тренд со начинот на живот на човекот, особено во време кога развојот на техниката оди доста брзо. Западната црква во еден период ги почуствува последиците од борбата со технолошкиот развој и поучена од тоа искуство, денес одлично го држи трендот. Првиот нејзин човек , т.е Папата,  предничи во тоа, и има одлични резултати. Потврда е бројката на следбеници која ја споменавте. Секое туѓо искуство што дава добри резултати треба да сме спремни да го искористиме и примениме. Така и нашата црква веќе прави големи чекори напред во тој поглед. Впрочем,  ретерирањето во ставот за користење на фејсбук е потврда сама по себе.

Битно.мк:  За крај ваша лична порака до нашите читатели?

Г. Пимен:  Би им напоменал на сите луѓе кои ги користат социјалните мрежи две работи.

Првата, да внимаваат да не станат зависници од истите и да не изгубат својата личност во замена на некој виртуелен лик, и второ…

Кога своите знаења од областа на црквата и верата ги стекнуваат преку интернет, да внимаваат да не паднат во замката дека односот со Бога и црквата е доволно да го градат на тој простор, туку да знаат дека живата заедница со Бога ја градиме преку редовно посетување на храмовите и активно учество на богослужбите и соединувањето со Телото и Крвта христови преку причестувањето



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 820
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

БEСEДА  за лажнитe учитeли

БEСEДА за лажнитe учитeли

Чoвeкoт на oвoј свeт e вo вoјна. Бoрбата e нeпрeстајна, а нeпријатeлитe сe мнoгубрoјни. Пoмeѓу најoпаснитe нeпријатeли спаѓаат лажнитe учитeли. Самo акo чoвeчкиoт ум e впeрeн вo Бoга, чoвeкoт ќe...

Митрополит Струмички Наум: Екстремно одрекување – екстремни дарови (01.08.2020)

Митрополит Струмички Наум: Екстремно одрекување – екстремни дарови (01.08.2020)

Спомнатите и ветени од Бог екстремни дарови, не се однесуваат толку на материјалното колку на духовното. Тоа се даровите на умно-срдечната молитва, на суштинско просветлување на умот, на расудување, на...

Митрополит Кумановско-осоговски д-р Григориј:Ние сме возљубени Божји созданија, кои имаат можност да создадат сопствен начин на постоење...“

Митрополит Кумановско-осоговски д-р Григориј:Ние сме возљубени Божји созданија, кои имаат можност да создадат сопствен начин на постоење...“

Епископскиот чин што денеска преку вас го примам, го разбирам како служење, што во себе ги обединува и најголемата чест и свеста за сопственaтa немоќ. Има ли поголема чест и...

Митрополит Струмички Наум: Бесчувствителност (25.07.2020)

Митрополит Струмички Наум: Бесчувствителност (25.07.2020)

Инаку, ако дозволиме прелеста да навлезе во нас, дали преку страстите на срцето (сластољубие и среброљубие) или преку страста на паднатиот ум (славољубие), таа потоа станува сеопфатна состојба која ги...

Викарен Епископ Јаков Стобиски:„Не плашете се да страдате...“

Викарен Епископ Јаков Стобиски:„Не плашете се да страдате...“

Се одрекуваме од Крстот Христов ако на прекорот враќаме со гнев и бунт, праведен или неправеден, без разлика. Се одрекуваат од Крстот Христов децата кои се непослушни кон родителите, оти...

БEСEДА  за спасeниe на душата какo крај на вeрата

БEСEДА за спасeниe на душата какo крај на вeрата

Никoј нe патува заради патoт туку заради нeкoј или заради нeштo, штo гo oчeкува на крајoт на тoј пат. Никoј нe гo фрла јажeтo вo вoдата вo кoја нeкoј сe...

Митрополит Струмички Наум: Прелест на умот и прелест на срцето (18.07.2020)

Митрополит Струмички Наум: Прелест на умот и прелест на срцето (18.07.2020)

Како што рековме, има лажна состојба (прелест) на умот, но има и прелест на срцето. Првата прелест настанува поради прифаќање и усвојување лажни мисли, а втората од прифаќање и усвојување...

Архиепископот г.г. Стефан:Продолжи ги богољубивите и родољубивите дела

Архиепископот г.г. Стефан:Продолжи ги богољубивите и родољубивите дела

    Со денешниов чин, преку Светиот Дух, врз тебе се изли љубовта Божја[6], и тој дар ќе ти помага со љубов да им служиш на луѓето и да ги исполнуваш задолженијата...

Партениј Епископ Антаниски и Игумен Бигорски:Да си биде епископ значи да се биде прв во служењето

Партениј Епископ Антаниски и Игумен Бигорски:Да си биде епископ значи да се биде прв во служењето

Да се биде епископ, преемник на апостолската благодат, значи да се биде прв не во превласта, не во некакви привилегии, туку во одговорноста и во служењето на другите за добро,...

« »