логоFacebookTwitterYouTubeeMail


 

„...Да бидат сите едно, како што си Ти, Оче, во Мене, и Јас во Тебе; па така и тие да бидат во Нас едно...“ (Јован: 17,21)

...И беа, во една малечка Црквичка во Чикаго, посветена на Светата Преподобномаченица Параскева. Архиереј, свештеници, ѓакони, чтеци, псалти,верници...И храмот наликуваше на Царството Небесно каде сите беа ЕДНО ВО ГОСПОДА. И немаше ни Македонец, ни Русин, ни Украинец, ни Бугарин, ни Грк, ни Србин....имаше само ЕДЕН христијански дух, ЕДНА братска љубов, ЕДНО православно срце.

...Четврток, 7-ми Август. Пристигна во храмот добриот пастир - возљубениот митрополит Методиј и се собра околу него сето духовно стадо. И започна братска и едномислена служба кон Господа. Бдение во чест на Светата преподобномаченица Параскева. И се чувствуваше љубовта на многу сестрински Цркви преку присуството на верниците што дојдоа како нивни претставници, а посебно преку нивните Свештеници: отец Димитар Алинчанец, отец Рубинчо Ацески, отец Митко Попоски, кои заедно со парохискиот свештеник отец Стојан Стојанов и ѓакон  Стеван Барјактаров, непоштедно Му служеа на Господа и Неговите Светии, предводени од нашиот возљубен митрополит. И единствена беше молитвата на верниците и покрај различната национална припадност. И ангелски звучеше пеењето на многучлениот мешовит хор, кого освен диригентката и неколку членови на нашиот црковен хор го сочинуваше и поголемо мнозинство членови (наши драги гости) од Архиерејскиот хор на  сестринската Руска Православна катедрална Црква „Покров на Пресвета Богородица“ од Дис Плеинс, Илиноис. Меѓу руските хористи се вбројуваа и архиѓаконот Вадим и ипоѓаконот Андреј, кои многу не почестија со нивното присуство. ...
   А таму каде што има единство и слога, таму постои и духовност и светост. Најголема потврда за ова беше Божјото благоволение да бидат донесени за Бдението и Литургијата светите и пречесни мошти на Светата Преподобномаченица Параскева, заедно со моштите на Свети Пантелејмон, Свети Јован Крстител, Свети Јован Златоуст, Св.Апостол Андреј, Св.Григориј Богослов, Св.Марија Магдалена, Св.Пророк Јеремија, Св.Апостол Лука, Св.Великомаченица Варвара, Св.Великомаченик Ѓорги Победоносец, Св.Филарион, Св.Харалампиј и Св.Трифун, како и честица од Чесниот и Животворен Господов Крст! О, каква Божја милост кон верниците на Македонската Православна Црква Св.Петка! О, каква братска љубов на пријателите од Руската Православна Црква кои несебично и со потполна доверба ни позајмија нешто толку свето! Бог нека ги благослови за сета нивна поддршка, соработка и помош! Во петокот, пак, на Светата Архиерејска Литургија, бевме почестени и со присуството на протоереј Андреј Папков од оваа наша сестринска Руска Црква, што уште повеќе ја зголеми нашата веќе преголема радост. Во знак на благодарност, нашиот митрополит Методиј му подари икона  на светата Параскева Римјанка, која веднаш го најде своето место меѓу иконите во рускиот катедрален храм.
...Петок, 8-ми Август, привршува Светата Архиерејска Литургија, но молитвите кон Светата Параскева продолжуваат. Конечно се укажува прилика да се отпее на македонски јазик Акатист кон драгата преподобномаченица Параскева, како израз на љубов кон Светителката, а воедно и како благодарност кон високопочитуваниот наш митрополит, кој и покрај многуте свои обврски, неуморно работеше на препевот на овој Акатист од руски. Црквата Света Петка му е преблагодарна за овој дар.
...Недела, 10-ти Август - Света Архиерејска Литургија; празнувањата продолжуваат, и токму тогаш кога изгледа дека радоста не може да биде поголема, настапува еден прекрасен миг: започнува чинот на потстригување за чтец на нашиот драг во Христа брат Драган Јорданов. Восхит и воодушевување се чита на лицата на сите присутни. Сите со внимание го следат овој прекрасен чин и го слушаат новопроизведениот чтец Драган, кој облекувајќи го стихарот ги кажува соодветните стихови: „Да се возрадува мојата душа во Господа, Кој ме облече во риза на спасение....“   И продолжува Светата Архиерејска Литургија во молитвена атмосфера, за што во голема мера придонесува и умилното пеење на Црковниот Хор на Света Петка -„Св.Јован Дамаскин“ во својот полн состав. По Литургијата следи Водосвет и благословување на колач и се избира нов кум на црквата, кој, всушност, со прифаќањето на оваа должност доброволно прифаќа да се грижи за доброто и напредокот на нашата света Црква, што си бара голема посветеност и жртва - Бог нека ја благослови и нека и даде сили за совршена служба на нашата драга сестра - кумата Анастасија Феин.

...Трпезата на љубовта повторно не соединува, но и не потсетува дека празнувањата привршуваат. Остануваат спомените за неколку денови исполнети со прекрасни мигови на братска љубов, сплотеност, едномислие, соработка, духовност, светост... Штета што се тоа само мигови... Но, не мора да биде така! Со малку повеќе залагање, можеме да ги направиме вечност! Од нас зависи. Да продолжиме да сослужуваме, да се радуваме на радоста на нашите браќа и сестри, да соработуваме меѓу нас и со другите православни цркви, да даруваме, да помагаме...ДА ЉУБИМЕ онака како што Бог не љуби нас. И тогаш, не ќе мора да живееме само со спомените за некои одминати прекрасни мигови, тогаш ќе живееме во една прекрасна, реална, исполнета со љубов ВЕЧНОСТ.

 

 

  

  


Приготвиле: верници на МПЦ„Св.Параскева - Петка“ од Чикаго.

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 746
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Митрополит Струмички Наум: Првенство по чест (11.07.2020)

Митрополит Струмички Наум: Првенство по чест (11.07.2020)

Нема таков голем грев пред Бог каков што е духовниот геноцид што се врши над нашата света Црква. Да имаш власт да сврзуваш и да разврзуваш и на небото и...

Митрополит Струмички Наум:  Умно-срдечната молитва – критериум на вистинско богословие (07.07.2020)

Митрополит Струмички Наум: Умно-срдечната молитва – критериум на вистинско богословие (07.07.2020)

Теологија без умно-срдечна молитва е повеќе технологија, т.е. умешност, односно техника на составување и вообликување на мислата и на зборот, отколку богословие, отколку Божјо слово; повеќе знаење што произлегува од...

 Митрополит Методиј Златанов: огромна е човечката жед за љубов

Митрополит Методиј Златанов: огромна е човечката жед за љубов

Во духовната пустина на овој суетен свет, на ова место на нашето исконско туѓинување, огромна е човечката жед за љубов. Дури и се навикнуваме да живееме без внимание кон себе...

Митрополит Европски Пимен (03.07.2020)

Митрополит Европски Пимен (03.07.2020)

Да си споменеме за да поверуваме во она дека сė што е соединето со Бога е спасено, та освестеното да го примениме во нашите животи. Да престанеме да ги распнуваме...

Митрополит Струмички Наум: Кажи само збор (04.07.2020 )

Митрополит Струмички Наум: Кажи само збор (04.07.2020 )

Исто така, извршен e и Литургискиот (Евхаристиски) збор, и тој е збор во сила; извор на слово во сила, кое повторно и повторно го обновува светот; затоа што Христос е...

О. Жарко Ѓорѓиевски ✥Беседа за св. Наум Охридски✥  (03.07.2020)

О. Жарко Ѓорѓиевски ✥Беседа за св. Наум Охридски✥ (03.07.2020)

Свети Наум бил мудар учител, единствен раководител на монасите, решителен подвижник, чудотворен молитвеник и духовник. Тој постојано работел на преводи на светото Писмо и другите богослужбени книги од грчки на...

Митрополит Струмички Наум: Слово за фарисеите (03.07.2020)

Митрополит Струмички Наум: Слово за фарисеите (03.07.2020)

Кој им е проблемот на фарисеите, тогашни, денешни и на сите времиња? Тоа што постојано бараат грешка; но не баш кај секој, туку посебно кај оној на кого се фиксирани....

Митрополит Струмички Наум: Како да ја достигнеме молитвата на срцето (01.07.2020)

Митрополит Струмички Наум: Како да ја достигнеме молитвата на срцето (01.07.2020)

И најважно од сѐ е – на секое зло да враќаме со добро, со љубов. За да ни биде дозволено да ја кажуваме оваа молитва треба и во мислите и...

О.Методиј Митановски: Беседа за 3-та недела по Педесетница

О.Методиј Митановски: Беседа за 3-та недела по Педесетница

Важно е да напомнеме дека и покрај големите и епохални откритија на науката, животот на денешните луѓе не ѐ подобар. Напаротив создаден ѐ кај луѓето страв и немир, наместо радост...

« »